Masalimo 5:7 - IBAYIBOLO 2024

⁷ Loli pachifukwa icha chisa chako ichikulu nkani, ane nkwiza pakwinjila munyumba yako. Nkwiza pakufughama nukukuchindika munyumba yako izelu.

Masalimo 5:7 Iomraidhean Croise

1 Abamwene 8:35

“Nanti wayilema ivula pachifukwa ichakuti abantu bako bakunangiye, po nanti bakwiputa mu Nyumba iyi pakulitambula itabwa lyako nukuzileka imbibi zyabo pachifukwa ichakuti wabafunda,

1 Abamwene 8:38

po nanti abantu bako aba Izilayeli bakwiputa umwakulambilizya sona nanti umuntu wesi azimanya intamyo zizyo zyamuwila, nukukwezya inyobe zyache mumwanya pakwiputa mu Nyumba iyi,

Masalimo 101:7

Atalipo nayumoyumo umuzimbuli yuyo akwikala munyumba yane. Atalipo nayumoyumo umumyasi yuyo akwiza pakwimilila pamaso papane.

Masalimo 130:4

Loli awe ukuhobokela, cho chifukwa ukuchindikiwanga.

Masalimo 132:7

Twende tubukaye kuko akwikala, po tumwiputaye pachitengo chache icha bumwene.

Masalimo 138:2

Nkwiza pakufughamila kunyumba yako izelu, sona nkwiza pakulipala itabwa lyako pachifukwa icha lughano nu busubiliwa bwako, pakuti walanjizya ukuti itabwa lyako na mazyu ghako, vili pamwanya ukuchila ivintu vyosi.

Masalimo 28:2

Unteghelezyanje bo nkulila ukuti umpelele ichisa sona bo nkulila, nkulaba ubwavwilizi. Unteghelezyanje bo nagholosezya inyobe zyane ku Buzilo bwako Ubuzelu Nkani.

Masalimo 34:17

Nanti abagholosu balila, u Mwene akubivwanga, po akubapoka muntamyo zyabo zyosi.

Masalimo 51:1

Wee Chala, umpelelaye ichisa, pachifukwa icha lughano lwako lulo lutakupotwapo nalumolumo. Zimya ukunanga kwane, pachifukwa icha chililizi chako.

Masalimo 52:8

Loli ane indi ngati likwi ilya musyunguti ibisi mu Nyumba iya Chala, po indusubiye ulughano ulwa Chala lulo lutakupotwapo nalumolumo bwila na bwila.

Masalimo 55:16

Loli nkumwitizya u Chala, po u Mwene akumpoka.

Masalimo 69:13

Wee Mwene, loli nkwiputa kukwako, ukuti umpelele ichisa, unyamule pakumpoka pakuti ulughano lwako lukulu.

Masalimo 69:16

Wee Mwene unyamule, pakuti we mwiza, sona we walughano. Unyavwe pakuti ichisa chako chikulu nkani.

Ivyili 6:16

Vilipo ivintu vimo sikisi vivyo u Mwene avibengite, ivintu seveni vivyo vyamwiko kukwache.

Ivyili 6:17

Ivintu vinivi vyo ivi: Amaso agha mituvyo nu lulimi ulwakutamanta, inyobe zizyo zikumughogha umuntu yuyo ate ninongwa nayimoyimo,

Yesaya 55:7

Mubaleke ababomba mbibi, baleke inkalo zyabo imbibi, sona bope abantu ababibi bazileke inyinong'ono zyabo inyonganu. Baleke banyokele kwa Mwene, ukuti abapelele ichisa, sona nakwa Chala witu, pakuti akwiza pakubahobokela.

Yesaya 64:11

Inyumba izelu sona iyabuchindamu, mumo abatata bakakupalilaghamo awe, yochiwe numoto, sona vyosi vivyo tukasungamo vyananganika.

Daniyeli 6:10

Bo u Daniyeli azyaghannya ukuti ululaghilo lula lwabikiwa, akabwela nukwinjila muchipinda chache icha pamwanya, chicho amabwindo ghache ghakighuliwa umwakwenannya nakaya akakulu nkani aka Yelusalemu. Akafughamagha katatu pisiku pakwiputa, nukumupalizya u Chala ukuyana namumo akabombelagha pakwanda.

Hoseya 3:5

Loli bo pachilapo akabalilo aba Izilayeli bakwiza pakunyokela nukumulondelezya u Mwene u Chala wabo, sona nu Devedi u mwene wabo. Bakwiza kwa Mwene bo bakutetema umwakuti bapokele ubwiza bwache ubwa bumalilo.

Imbombo 9:31

Po ichipanga icha mu Yudeya, mu Galileya, na mu Samaliya chikaba na kabalilo akamutende nukwendelela pakumwiputa u Mwene. U Muzimu Umuzelu akachikazya nukuchavwa pakukula, po chikaba ichakumunyila u Mwene.

Aba Hebeli 4:16

Po zagha tupalamile kuchitengo icha bumwene icha Chala uwachisa nkani umwakusita ubogha, umwakuti tupokele ichisa, sona nukutwavwa pakabalilo kitu akakusobelwa.

Yoshwa 24:15

Nanti mutakulonda pakumubombela u Mwene, po ilelo musalepo yuyo mukwiza pakumubombelagha manyi abachala aba abanyenya binyu, babo bakabachindikagha mulubazu lwalusoko, pamo abachala aba ba Amoli, muchisu chicho mukwikalamo. Loli ane na bamunyumba yane tukwiza pakumubombela u Mwene.”