Masalimo 5:5 - IBAYIBOLO 2024

⁵ Abakwitutumula batangafika pamaso papako, sona ubabengite bosi ababomba imbibi.

Masalimo 5:5 Iomraidhean Croise

Masalimo 1:5

Bo u Chala akubalonga abantu ababibi, batakwiza pakwimilila, sona akwiza pakubefya ababomba mbibi pakasi pabantu abagholosu.

Masalimo 10:3

Umubibi akwituvya ni vinyonywa ivya moyo wache, sona akumupala umupafu nukumusamula u Mwene.

Masalimo 11:5

U Mwene akubapima abagholosu, loli ababengite abantu ababibi, na babo bavighanite ivyongo.

Masalimo 130:3

Wee Mwene, nanti ukazibelengagha imbibi, nkimba wewenu yuyo angapona?

Masalimo 14:1

Umupunganu akunena mumoyo wache akuti, “U Chala ataliko.” Abantu bosi banyonganu, imbombo zyabo mbibi. Atalipo nayumoyumo yuyo akubomba inyiza.

Masalimo 73:3

Pakuti nkaba nakabini na bantu abakwituvya, bo nkubennya ababibi ukuti ivintu vikubendela akiza.

Masalimo 75:4

Nkubabuzya abantu abakwituvya nkuti, ‘Mutakituvyanje sona,’ bope abantu ababibi nkubabuzya nkuti, ‘Mutakitutumulaye sona.

Masalimo 92:6

Umuntu umusita mahala atakumanya, bope abapunganu batakwivwisya.

Masalimo 94:8

Ivwa kuno mwebapunganu amwe sona mwe basita mahala mwee! Nkimba mukwiza pakuba na mahala liyi?

Ivyili 1:22

“Mwee bapunganu, nkimba mukwiza pakuba mwe bapunganu mupaka liyi?” Mwee balobezyo, nkimba mukwiza pakuhoboka nu lobezyo lwinyu mupaka liyi sona mwee bapunganu, nkimba mukwiza pakughabenga amahala mupaka liyi?

Ivyili 1:7

Ukumunyila u Mwene bo bwandilo ubwa mahala, loli abapunganu bakughasulannya amahala na mafundwe.

Ivyili 15:9

U Mwene azibengite imbombo izya muntu umubibi, loli amughanite yuyo akubomba ubwanaloli.

Ivyili 8:5

Mwee mute na mahala, manyila pakuba mwe bamahala, sona mwe bapunganu, manyila pakuba bakwivwisya ivintu.

Umulumbilili 5:4

Nanti ukulapa pamaso pa Chala, utakakabaye pakukwanilisya ichilapo chako. Pakuti abapunganu batakumuhobosya u Chala. Po kwanilisya ichilapo chako.

Hoseya 9:15

“Nkubabenga pachifukwa icha bubibi bubo babomba muchisu icha Giligali, sona na pachifukwa icha mbombo imbibi zizyo babomba, po nkwiza pakubefyamo munyumba yane. Ane ntakwiza pakubaghana nalumo sona. Abalongozi babo bosi basambuke.

Aba Levi 20:23

Mutakaghelelaye inyiho izya bantu babo, babo nkubachimbizya pantazi papinyu. Pachifukwa ichakuti bakabomba ivintu ivibibi vinivi, ane nkabasulannya.

Habakuku 1:13

Amaso ghako mazelu nkani pakubwennya ububibi, sona utakwitikizya ukunanga. Nkimba choni chicho ukubitikizya abantu abakusambuka ukuti babombaye bulo ububibi? Nkimba choni chicho ukuba bulo myee, bo abantu ababibi bakubamila abagholosu ukubachila abene?

Zekaliya 11:8

Pamwezi ghoka, nkabaghogha abadimi batatu. Nkapotwa pakujimba nabo, sona bope batakandondagha.

Matayi 25:41

“Po akwiza pakubabuzya abantu aba kunyobe imongo ukuti, ‘Epako kukwane mwe baghuniwa. Bukagha mumoto uwa bwila na bwila ghugho bamuyanizye u Satana na bantumi bache!

Matayi 7:23

Po nkwiza pakubabuzya ukuti, ‘Ntabamenye nalumo, epapo, mwe bantu ababibi amwe!’