Masalimo 5:4 - IBAYIBOLO 2024

⁴ Awe te we Chala yuyo ukuhoboka ni mbibi, sona ababibi batangikala poka nawe.

Masalimo 5:4 Iomraidhean Croise

1 Imbili 29:17

Wee Chala wane, inzimenye ukuti ukwennya mumoyo uwa muntu sona ukuhoboka na bantu aba bwanaloli. Niyipa nukubika nu moyo ghosi sona na mubwanaloli, sona nabennya abantu namumo biyipila na moyo ghabo ghosi sona nu mwakuhoboka nkani.

Masalimo 101:7

Atalipo nayumoyumo umuzimbuli yuyo akwikala munyumba yane. Atalipo nayumoyumo umumyasi yuyo akwiza pakwimilila pamaso papane.

Masalimo 11:5

U Mwene akubapima abagholosu, loli ababengite abantu ababibi, na babo bavighanite ivyongo.

Masalimo 140:13

Naloli abagholosu bakwiza pakulipala itabwa lyako, sona abantu abiza bakwiza pakwikala pamaso papako.

Masalimo 50:21

Wabomba ivintu vyosi vinivi, loli nkaba bulo myee, po ukinong'onagha ukuti injanite bulo nawe. Loli nkwiza pakukuchemela nukukususya pazizyo wabomba.

Masalimo 63:2

Nkulonda nkani pakukwennya mubuzilo bwako ubuzelu, unyitikizye ukuti nennyanje amaka ghako, sona nu buchindamu bwako.

Masalimo 88:14

Wee Mwene, nkimba choni chicho wantagha bunubu nukumpa inkonto?

Masalimo 92:15

Mulumbilile mutinji, “U Mwene mugholosu akabalilo kosi, we lyalabwe lyane, sona butalimo ububibi nabumobumo mumwache.”

Masalimo 94:20

Nkimba abalongi abamabeko bangamanyana namwe, babo bakubomba ububibi pakususannya ni ndaghilo?

Habakuku 1:13

Amaso ghako mazelu nkani pakubwennya ububibi, sona utakwitikizya ukunanga. Nkimba choni chicho ukubitikizya abantu abakusambuka ukuti babombaye bulo ububibi? Nkimba choni chicho ukuba bulo myee, bo abantu ababibi bakubamila abagholosu ukubachila abene?

Malaki 2:17

Mwamulitizya nkani u Mwene na kanenele kinyu. Mukulalusya mukuti, “Nkimba twamulitizya bulibuli?” Pakunena ukuti, “Umuntu wesi yuyo akubomba imbibi kokuti mwiza pamaso pa Mwene, sona akuhoboka nabo.” Pamo pakulalusya ukuti, “Nkimba ali ko kwiyi u Chala yuyo akubombela mubwanaloli?”

Yohani 14:23

U Yesu akamwamula akati, “Umuntu wesi yuyo anganite akwiza pakwivwila ubumanyisi bwane. Utata wane akwiza pakumughana, sona Utata wane poka nane tukwiza kukwache nukwikala nawe.

Aba Hebeli 12:14

Yezya nkani ukwikala mumutende na bantu bosi, sona mubanje bazelu. Pakuti ukusita ubuzelu nayumo umuntu yuyo akwiza pakumwennya u Mwene.

2 Pitala 3:13

Loli ukuyana ni vintu vivyo u Chala akatulayizya, tukulindilila kumwanya ukupya ni chisu ichapasi, kako kaya aka bugholosu.

Ubuvumbuli 21:23

Izuba pamo umwezi vitakulondiwa nukuti vilamaye mukaya akakulu nkani kanaka pakuti ubuchindamu ubwa Chala bukulamilamo, sona ulukozyo lwache we Mwana uwa ng'ozi.

Ubuvumbuli 21:27

Loli mute mukinjilemo nachimochimo ichintu chicho chinyazu, pamo umuntu wesi yuyo akubomba imbombo izya kukozya isoni pamo umumyasi. Abantu bene babo amatabwa ghabo ghasimbiwe mwibuku ilya bumi ilya Mwana uwa ng'ozi, bo babo bakwiza pakwinjilaghamo.