Masalimo 5:10 - IBAYIBOLO 2024

¹⁰ Wee Chala, ubafundaye, sona balemiwanje muvipingo vyabo. Ubefyepo pamaso papako pachifukwa icha mbibi zyabo inyinji, pakuti bakusambukiye.

Masalimo 5:10 Iomraidhean Croise

2 Samuweli 15:31

U Devedi akabuziwa ukuti, “U Ahitofeli ali pakasi pabantu abakusambukila bala poka nu Abisalomu.” Po u Devedi akiputa akati, “Wee Mwene ughapele amahala agha Ahitofeli ukuti ghabe mapunganu.”

2 Samuweli 17:14

U Abisalomu poka naba Izilayeli bosi bakati, “Ifundo iya Hushayi umu Alikiti nyizapo ukuchila ifundo iya Ahitofeli.” Pakuti u Mwene akalondagha pakuyivulungannya ifundo inyiza iya Ahitofeli, umwakuti amuwisizye intamyo u Abisalomu.

2 Samuweli 17:23

Bo u Ahitofeli ennya ukuti abantu bakitinkana ni fundo yiyo akababuzya, akakwela impunda yache nukubwela. Akakayannya akiza bulo akaya kache nukwipinyilila. Po akafwa nukusyiliwa mwipumpa ilya wise.

2 Imbili 25:16

Bo umulaghuzi yula achili ali pakunena, u mwene akamulalusya akati, “Nkimba sweswe tukakusala ukuti ubanje we wakumanyisya u mwene amahala? Utakandizye sona! Nkimba choni chicho ukulonda pakufwa?” Umulaghuzi yula akaleka loli akati, “Inzimenye ukuti u Chala akulonda pakukughogha, pachifukwa ichakuti wabomba zinizi sona nukuti ukazisulannya zizyo nkakubuzya.”

Esitele 7:10

Po bakamupayika u Hamani pikwi lilyo akapanga ukuti amupayikepo u Molodikayi. Pisinda pache ubukali ubwa mwene bukatozoka.

Masalimo 10:15

Ughamazyanje amaka agha muntu umubibi, sona nu mubomba mbibi. Umufundaye pachifukwa icha mbibi zyache, ukuti atakazibombaye sona.

Masalimo 107:11

pachifukwa ichakuti bakaghasambukila amazyu agha Chala, sona bakabukana ubumanyisi ubwa Wakumwanya Nkani.

Masalimo 17:13

Wee Mwene vundumuka, ubapotaye nukubawisya pasi, sona bombezya upanga wako umpokaye munyobe izya bantu ababibi.

Masalimo 31:18

Abantu abamyasi babanje bulo myee, pakuti bakituvyanga nukubasamula abantu abagholosu.

Masalimo 35:26

Bakoziwanje isoni nkani nukuvulungana abantu bosi, babo bakuhoboka pachifukwa ichakuyimba kwane. Bakoziwanje isoni nukusamuliwa, babo bakwikwezya pamaso papane.

Masalimo 55:15

Ubufwe bubachenusyanje bulo abamanyani bane, sona binjilaye mwipumpa lubilolubilo, pakuti ububibi bukuwagha umuvundo pakasi papabo.

Masalimo 66:7

Na maka ghache akulaghila bwila na bwila, sona amaso ghache ghope ghakubennya abantu aba inko izinji. Po abantu abakusambuka batakikwezyanje.

Masalimo 71:13

Abantu babo bakusunsya bazimilaye pachifukwa icha soni, sona bope babo bakulonda pakunvulazya, basamuliwanje nukukoziwa isoni.

Masalimo 79:12

Wee Mwene ubatanizyanje akaseveni abantu aba inko izinji, pachifukwa icha ntuko zizyo bakukusamula nazyo.

Yesaya 1:2

Wee kumwanya, ivwa kuno, sona wee chisu ichapasi, teghelezya! U Mwene akuti, “Nkapapa abana nukubalela loli ilelo bansambukiye.

Yesaya 1:20

Loli nanti mukunkana nukunsambukila mukwiza pakughoghiwa nupanga.” Pakuti ane ne Mwene nanena.

Yesaya 63:10

Loli pope bulo bakasambuka, nukumukalalizya Umuzimu wache Umuzelu. Po akanduka nukuba mulwani wabo, nukulwa nabo ubwite.

Nkuto 1:5

Babo bamubengite bo babo bali pakumulaghila, sona abalwani bache ivintu vyabo vikubendela akiza. U Mwene amufunda u Yelusalemu pachifukwa icha mbibi zyache inyinji, sona abana bache balemiwa pakuba bazya aba balwani bache.

Daniyeli 9:5

Twananga sona twabomba ububibi. Twabombela mu bubibi sona twasambuka. Twaghasulannya amalamulo sona ni ndaghilo zyako.

Daniyeli 9:9

U Mwene u Chala witu wachisa nkani sona waluhobokelo nkani, napapo twamusambukila.

Hoseya 9:7

Amasiku aghakufundiliwa ghafikila, ghope amasiku agha muvwalo ghafikila. Aba Izilayeli bazimanye zinizi. Pachifukwa ichakuti imbibi zyinyu nyinji nkani, sona lope ulubengo lwinyu lukulu, po mukuti umulaghuzi mupunganu, wepe umuntu yuyo akulongoziwa nu muzimu apenite.

1 Aba Kolinti 3:19

Pakuti amahala agha bantu aba muchisu ichapasi, bo bupunganu pamaso pa Chala. Pakuti Amasimbo ghakuti, “U chala akubategha abamahala mubuchevu bwabo.”

Ukukumbusya Amalamulo 2:30

Loli u Sihoni atakatwitikizya ukuti tudumusannye muchisu chache. U Mwene u Chala winyu akaghupela umoyo wache pakuba mukafu, umwakuti amubike munyobe zyinyu ngati mumo zibeleye pakabalilo aka.

1 Samuweli 25:29

Nanti abantu bakusambukiye nukukulondelezya ukuti bakughoghe, u Mwene u Chala wako akwiza pakukupoka. Loli akwiza pakubusumba ubumi ubwa balwani bako ngati libwe mu fyata.

1 Samuweli 25:39

Bo u Devedi ivwa ukuti u Nabali afwa akati, “U Mwene apaliwanje yuyo antanizikizya ububibi bubo u Nabali akambombelagha, sona ankanizya ne mubombi wache ukuti ntakamubombele u Nabali ichintu ichibibi, loli ukuti imbibi yache yibanje pamutu wache.” Po u Devedi akatuma intumi kwa Abigelo ukuti bamusipe pakuba muchi wache.