Masalimo 5:1 - IBAYIBOLO 2024

¹ Wee Mwene, ivwa amazyu ghane, sona teghelezya ukukoloma kwane.

Masalimo 5:1 Iomraidhean Croise

Masalimo 17:1

Wee Mwene teghelezya, bo nkulaba, sona ivwa ukulila kwane! Ivwa ulwiputo lwane lulo lukufuma mumulomo uwanaloli.

Masalimo 19:14

Amazyu ni nyinong'ono izya mumoyo wane vikuhobosyanje, wee Mwene, we lyalabwe lyane, sona we mutabuli wane.

Masalimo 54:2

Wee Chala wane ivwa ulwiputo lwane, sona teghelezya amazyu agha mumulomo wane.

Masalimo 64:1

Wee Chala wane ivwa izyu lyane bo nkukulambilizya, poka ubumi bwane munyobe izya balwani.

Masalimo 80:1

Wee mudimi uwa Izilayeli, tegha ikutu, wewe akumulongozya u Yosefu ngati mudimo uwa ng'ozi, we ukwikala pachitengo icha bumwene pakasi pa bakelubi. Ubalamilaye

Masalimo 86:1

Wee Mwene, unteghelezye sona unyamule. Pakuti ane ne muntu umupina sona ne musobelwe.

Aba Loma 8:26

Umwakuyana bulo, wepe u Muzimu Umuzelu akutwavwa aswe twe bantu abadedebazu. Pakuti tutamenye namumo tubaghiye pakwiputila, umwenecho u Muzimu Umuzelu akutwiputila kwa Chala nukukoloma, kuko kutanganeniwa na mazyu.

1 Pitala 3:12

Pakuti amaso agha Mwene ghakwenelezya abantu abagholosu, sona amakutu ghache ghakuteghelezya inyiputo zyabo. Loli icheni icha Mwene chitakubalamila abantu ababibi.”

1 Samuweli 1:13

U Hana akiputagha mumoyo wache, sona amalomo ghache ghakabonekagha ngati po akunena, loli atakafumyanga amazyu. U Eli akinong'onagha ukuti u Hana akolizwe.

1 Samuweli 1:16

Utakampimaye ne wambombo wako pakuba ne mukolo umubibi. Namulililagha u Mwene pachifukwa icha ntamyo inkulu zizyo indi nazyo.”