Masalimo 49:18 - IBAYIBOLO 2024

¹⁸ Napapo akiyennyanga mwene pakuba musayiwa bo mumi, sona nanti abantu bope bakukupala bo vikukwendela akiza,

Masalimo 49:18 Iomraidhean Croise

Esitele 3:2

Po amakambala ghosi agha kunyumba iya bumwene ghakamufughamilila nukumuchindika u Hamani, pakuti u mwene weyuyo akalamula ukuti zinizi zibanje bunubu. Loli u Molodikayi akakana pakumufughamilila pamo ukumuchindika.

Yobu 3:15

Ngali indi pakutuzya poka na balaghili, babo bakaba nu golide umwinji nkani, nukwizuzya inyumba zyabo nu siliva.

Masalimo 10:3

Umubibi akwituvya ni vinyonywa ivya moyo wache, sona akumupala umupafu nukumusamula u Mwene.

Umulumbilili 5:14

pamo ubukabi bubo bukumala pachifukwa icha chighune, umwakuti nanti ali na bana, umuntu yulayula atakuba nacho nachimochimo ichakubalekela abana bache.

Hoseya 12:8

Aba Efulayimu bakwitutumula bakuti, “Aswe twe bakabi sona twakaba nkani. Po nubukabi bosi bunubu batakwiza pakutwagha nu bubibi pamo ni mbibi.”

Luka 12:19

Po nkwiza pakughubuzya umoyo wane ukuti we walusako. Uli ni vyuma ivyinji vivyo vikwiza pakukusunga amaka aminji. Bupepule bulo, lyanga, sona ung'welaye nukuhoboka wemwene!’

Ukukumbusya Amalamulo 29:19

Mwenelezye nkani ukuti atakabepo nayumoyumo umuntu pakasi papinyu ilelo, yuyo akwivwa amazyu ghanagha loli akunena mumoyo wache akuti, “Ivintu vyosi vikunyendela akiza bulo, napapo nkubomba ubwighane bwane.” Panapa akwiza pakwipalaghulila mwene ukunanganika manyi muntu umubibi manyi muntu umwiza bulo.

1 Samuweli 25:6

Mumubuzye muti u mwene u Devedi akukulamuka akuti, ‘Umutende ubanje nawe, poka na bamunyumba yako bosi, sona ni vintu vyosi vivyo uli navyo.