Masalimo 49:14 - IBAYIBOLO 2024

¹⁴ Babukaye kuchisu icha bafwe ngati zyo ng'ozi, ubufwe bukwiza pakuba mudimi wabo. Pandabindabi abantu abagholosu bakwiza pakubalaghilagha, amabili ghabo ghakubola muchisu icha bafwe kako kaya kabo kubutali nutwaya twabo utwiza.

Masalimo 49:14 Iomraidhean Croise

Yobu 21:13

Amasiku ghabo ghakumalila mubukabi nukubuka kumapumpa mumutende.

Yobu 21:26

Loli bosi bakufwa nukusyiliwa, po bakuwa isomi.

Yobu 30:23

Inzimenye ukuti ukwiza pakunfisya kubufwe, kuko kwa muntu wesi.

Yobu 4:21

Vyosi vivyo ali navyo vikumala, po akufwa umusita mahala.

Masalimo 30:5

Pakuti ubukali bwache bukubangako pakabalilo akapimpa bulo, loli ichisa chache cha bwila na bwila. Umuntu angachelezya pakulila, loli ubuhobosu bukwizagha po pandabindabi.

Masalimo 39:11

Ukubachemela abantu pachifukwa icha mbibi zyabo nukubapa amafundwe, ukubunangannya ubukabi bwabo ngati mumo impezu zikubombela, pakuti umuntu ali ngati muyi bulo.

Masalimo 44:11

Ukitikizya ukuti tubanje ngati po twe ng'ozi yiyo bakubuka nayo pakuyibola, sona ukatunyampannya pakasi pabantu aba inko izinji.

Masalimo 47:3

Akubapota abantu aba inko izinji pakuba pasi papitu, sona akulubika uluko ulunji kusi kunyayo zyitu.

Masalimo 9:17

Ababibi bakwiza pakubuka kuchisu icha bafwe, kokuti inko izya bantu bosi babo bamuluvyizye u Chala.

Umulumbilili 12:7

Bo ulufumbi lukunyokela kwitope, sona umuzimu ghukunyokela kwa Chala yuyo akapela.

Yelemiya 12:3

Loli pope bulo awe wee Mwene ummenye nkani, Ukunyennya nukuzipima nyinong'ono zyane namumo nkughaniye. Ubawesele kubutali abantu ababibi banaba ngati yo ng'ozi yiyo yikwiza pakughoghiwa. Ubapaghule ukuti balindililaye isiku ilya kughogheliwa.

Daniyeli 7:18

Loli abantu abazelu aba kumwanya nkani bakwiza pakubupokela ubumwene sona bukwiza pakubanga bwabo bwila na bwila.’

Daniyeli 7:22

Mupaka Uwavula Intazi yula akafika, po inongwa yikabendela akiza abantu abazelu aba Kumwanya Nkani. Akabalilo kakakwana akakuti abantu abazelu bala bapokele ubumwene.

Hoseya 6:3

Zagha tumumanye u Mwene, zagha tulemezye nkani pakumumanya. Naloliloli akwiza pakuboneka ngati ko kubuche. Akwiza pakutwizila ngati mumo yibeleye ivula pachisiku, sona ngati mumo yikutimila ivula pachisu ichapasi pakabalilo aka lupepo.”

Malaki 4:3

“Po Mukwiza pakubakanyankila pasi ababomba mbibi, sona bakwiza pakuba litoyi ilya kunyayo zyinyu pisiku lilyo nkwiza pakubomba zinizi,” U Mwene Uwamaka Ghosi anena.

Luka 22:30

Mukwiza pakulya nukung'wela poka nane mu Bumwene bwane, sona amwe mukwiza pakwikala pa vitengo ivya bumwene pakulonga inko 12 izya ba Izilayeli.

Aba Loma 8:36

Pakuti Amasimbo ghakuti, “Pachifukwa icha wewe, tukukomana nu bufwe isiku lyosi. Tuli ngati zyo ng'ozi zizyo zikubuka pakuboliwa.”

1 Aba Kolinti 6:2

Nkimba mutazimenye ukuti abantu abazelu aba Chala bakwiza pakubalonga abantu aba muchisu ichapasi? Po nanti amwe mukwiza pakubalonga abantu aba muchisu ichapasi, fwandi, mutangalonga utunongwa utunanditunandi?