Masalimo 49:11 - IBAYIBOLO 2024

¹¹ Amapumpa ghabo ghakwiza pakuba zyo nyumba zyabo izya bwila na bwila, sona buzilo bwabo ubwakwikalamo inkulilo ni inkulilo, Vikwiza pakuba bunubu, napapo bakavyita ivyisu amatabwa ghabo.

Masalimo 49:11 Iomraidhean Croise

Ubwandilo 4:17

U Kayini akamumanya umuchi wache, po umuchi wache akamela ulwanda nukupapa umwana umulumendo yuyo akamwita ukuti we Enoki. Pisinda pache u Kayini akazenga akaya akakulu nkani nukukita itabwa ilya mwana wache u Enoki yula.

2 Samuweli 18:18

Bo u Abisalomu achili mumi, akizengela mwene impanda mwikombe ilya mwene pakuba chikumbusyo chache, pakuti akati, “Ane inte nu mwana umulumendo ukuti abanje wampyana yane.” Po akayita impanda yila itabwa lyache, sona yikwitiziwanga ukuti Ichikumbusyo icha Abisalomu mupaka nilelo bulo.

Masalimo 10:6

Akunena mwene akuti, “Ane intangayingana nukuyingana. Akabalilo kosi nkwiza pakuhobokagha, sona intangakomana nintamyo.”

Masalimo 39:7

“Wee Mwene, po nkimba nkulindilila ichoni? Ane nkukulindilila wewe.

Masalimo 5:9

Pakuti amazyu ghabo ghate masubiliwa napo panandi, sona amoyo ghabo ghizuye ni vintu ivyakunangannya bulo. Amamilo ghabo mighuke ngati gho mapumpa, sona indimi zyabo zikunena bo bumyasi bwene.

Masalimo 64:6

Bakwinong'ona ivibibi bakuti, “Apa po twabatika akiza nkani!” Naloli inyinong'ono nu moyo uwa muntu vichevu.

Umulumbilili 2:14

Umuntu uwamahala akwennya kuntazi, loli umupunganu akwenda muchisi. Pope bulo nkagha ukuti intamyo zikubawila bosi babili banaba.

Umulumbilili 2:21

Pakuti umuntu angabomba imbombo na mahala nu bumanyi, sona nu bwafundi bwache, po vyosi akumulekela umuntu yuyo atakayimbilapo. Vyope vinivi vite ni mbombo nayimoyimo, sona vibibi nkani.

Ezekiyeli 38:10

“ ‘U Mwene Uwamaka Ghosi akuti: Pisiku lila inyinong'ono zikwiza pakwiza mumoyo wako nukwanda pakuyannya pakubatika ububibi

Luka 11:39

Po u Mwene akamubuzya akati, “Amwe mwe ba Falisayi pakuti mukusuka kuzi ukwa lubako ni mbale zyinyu, loli mukasi mwizuye nu bupafu nu buvyondongo.

Imbombo 8:22

Polelo pinduka nukuchileka ichintu chako ichibibi ichi nukumwiputa u Mwene ukuti akuhobokele pachifukwa icha kwinong'ona ichintu ngati cho ichi.

Ukukumbusya Amalamulo 3:14

U Yayili uwa luko ulwa manase nkamugabila ichigaba chosi icha Aligobi mupaka kumpaka iya chisu icha Geshuli, ni chisu icha Maaka. Akakita akaya kala ni tabwa lyache umwakuti nilelo ichisu icha Bashani chikwitiziwanga ukuti utwaya utwa Havoti Yayili.

1 Samuweli 15:12

Pandabindabi nkani, u Samuweli akabuka pakukomana nu Sabuli, loli akabuziwa ukuti, “U Sabuli abukite ku Kalimeli, kuko akiyimikila mwene ichikumbusyo, sona akabuka ku Giligali.”