Masalimo 47:9 - IBAYIBOLO 2024

⁹ Abalongozi aba pachisu ichapasi babunganite poka, ngati bantu aba Chala uwa Abulahamu. Pakuti abamwene aba pachisu ichapasi ba Chala, yuyo wapamwanya nkani.

Masalimo 47:9 Iomraidhean Croise

Ubwandilo 49:10

Impalala iya bumwene yitakwiza pakwepamo nalumo munyumba iya Yuda. Akwiza pakubukakatila ubumwene ubu, akwiza pakughasunga amaka ghache mupaka u mwenemaka ghache ize, inko zyosi zikwiza pakumwivwila.

Masalimo 46:10

“Banga bulo myee, sona uzimanye ukuti ne Chala, sona abantu aba inko izinji bakwiza pakumpala, bope abantu aba muchisu ichapasi bakwiza pakunkwezya.”

Masalimo 72:11

Abamwene bosi bakwiza pakumufughamilila, sona bope abantu aba inko zyosi bakwiza pakumubombela.

Masalimo 89:18

Naloli ingulu yitu ya Mwene, u mwene witu we Muzelu uwa ba Izilayeli.

Masalimo 97:9

Wee Mwene, we Wakumwanya Nkani pachisu chosi ichapasi, we wamaka ukubachila abachala bosi.

Ukufuma 3:15

U Chala akamubuzya sona u Mozesi akati, “Ubabuzye aba Izilayeli uti, ‘U Mwene, u Chala uwa banyenya binyu nu Chala uwa Abulahamu nu Chala uwa Yisaki sona nu Chala uwa Yakobo antuma pakasi papinyu.’ Ili lyo litabwa lyane bwila na bwila, sona inkulilo zyosi izya muntazi zikwiza pakulikumbukagha.

Ukufuma 3:6

Po akati, “Ane ne Chala uwa banyenya bako, u Chala uwa Abulahamu nu Chala uwa Yisaki sona nu Chala uwa Yakobo.” U Mozesi akavwinka icheni chache, pachifukwa ichakuti akanyilagha pakumwennya u Chala.

Ivyili 30:5

Izyu lyosi ilya Chala lyanaloli, u Chala yo ngulu iya bosi babo bakuchimbilila kukwache.

Yesaya 11:10

Pisiku lilalila Weka uwa banyenya aba Yese akwiza pakwima ngati chimanyilo icha inko zyosi, zikwiza pakumulonda, po ubuzilo bubo akwikalapo bukwiza pakuba buchindamu.

Yesaya 49:23

Abamwene bakwiza pakuba ngati bo baghuso, sona abamwene babo bakolo bakwiza pakuba boba nyoko. Bakwiza ukwinama pantazi papako bo vyeni vyabo vikotamiye pasi, bakwiza pakumyanta ulufumbi ulwa kunyayo zyinyu. Po mukwiza pakuzimanya ukuti ane ne Mwene, babo bakunsubila batakwiza pakukoziwa isoni.”

Yesaya 49:7

U Mwene Umutabuli Umuzelu uwa Izilayeli, akumubuzya yuyo asuliwe nukukaniwa ninko, sona mubombi uwa balaghili akuti, “Abamwene bakwiza pakukwennya nukwimilila, amakambala ghakwiza pakukwennya nukufughamila, pachifukwa ichakuti u Mwene yuyo musubiliwa, Umuzelu uwa Izilayeli weyuyo akakusala.”

Matayi 22:32

‘Ane ne Chala uwa Abulahamu nu Chala uwa Yisaki sona nu Chala uwa Yakobo.’ We Chala uwa bantu abumi, ate uwa bantu abafwe.”

Aba Loma 11:25

Mwee bakamu bane, pano pali ubwanaloli bubo bufisiwe, bubo nkulonda ukuti amwe mubumanye pakuti chikwiza pakubapela ukuti mutakizimbulaye ukuti mwe bamahala. Ubukafu ubwa moyo agha ba Izilayeli bute bwa bwila na bwila, loli bukwiza pakubako mupaka abantu bosi babo bate ba Yuda bize kwa Chala.

Aba Galatiya 3:29

Nanti mwe bantu aba Kilisitu, kokuti mwe baluko ulwa Abulahamu, sona mubaghiye pakupokela ichilingo chicho u Chala akalayizya.