Masalimo 47:8 - IBAYIBOLO 2024

⁸ U Chala akubalaghila abantu aba inko zyosi, U Chala ikaye pachitengo chache ichizelu icha bumwene.

Masalimo 47:8 Iomraidhean Croise

1 Imbili 16:31

Wee kumwanya sekelagha, wee chisu ichapasi hobokagha! Vileke vinenaye pakasi pa inko ukuti, “U Mwene akulaghila.”

Masalimo 110:6

Akwiza pakubalonga abantu aba inko izinji, nukuyilundika muvibunga imivimba iya bafwe, sona akwiza pakubanangannya abamwene aba pachisu chosi ichapasi.

Masalimo 48:1

U Mwene mukulu nkani, yuyo amapalo ghamubaghiye. Tumupalaye mukaya kache akakulu nkani bo ali pighamba lyache izelu.

Masalimo 89:14

Ubugholosu bwako nu bwanaloli lo lwalo lwachitengo icha bumwene bwako. Ulughano nu busubiliwa vikukufughamilila.

Masalimo 9:4

Pakuti wansimikizya ukuti ane inte ninongwa, sona wikaye pachitengo chako icha bumwene pakulongela mubwanaloli.

Masalimo 93:1

U Mwene we mwene. Avwalite ubuchindamu na maka. Ukuchikazya ichisu chosi mubuzilo bwache chitakwiza pakuyingana.

Masalimo 94:20

Nkimba abalongi abamabeko bangamanyana namwe, babo bakubomba ububibi pakususannya ni ndaghilo?

Masalimo 96:10

Mubabuzye abantu aba inko izinji mutinji, “U Mwene akulaghila.” Ichisu ichapasi chikalanite nkani, sona chitangayingana napo panandi. Akwiza pakubalonga abantu aba inko zyosi umwakuyana bulo.

Masalimo 97:1

U Mwene weyuyo akulaghila, po ichisu ichapasi chihobokaye, bope abantu babo bakwikala mulubazu ulwanyanja bahokaye.

Masalimo 99:1

U Mwene weyuyo akulaghila po inko zitetemaye, po ichisu ichapasi chihobokaye. Ikaye pachitengo pakasi pa bakelubi, po ichisu ichapasi chiyinganaye.

Masalimo 99:2

U Mwene mukulu mu Ziyoni, sona ali pamwanya pabantu aba inko zyosi.

Zekaliya 14:9

U Mwene akwiza pakuba we mwene uwa chisu chosi ichapasi. Pisiku lilalila akwiza pakubako u Mwene weka, sona akwiza pakumanyikwa ni tabwa lyoka mpela.

Malaki 1:14

“Aghuniwanje umuntu yuyo muzimbuli, ali ni chitekwa ichanavuli ichiza mumudimo wache, akufinga pakubika, loli akwiyipa chicho chili ni chilema kwa Mwene. Pakuti ane ne mwene umukulu nkani.” U Mwene Uwamaka Ghosi anena, “Sona itabwa lyane libaghiye pakuchindikiwa pakasi pa inko.”

Aba Hebeli 4:16

Po zagha tupalamile kuchitengo icha bumwene icha Chala uwachisa nkani umwakusita ubogha, umwakuti tupokele ichisa, sona nukutwavwa pakabalilo kitu akakusobelwa.

Ubuvumbuli 19:6

Po nkivwa ichongo chicho chikivwika ngati cho chilundilo icha bantu, ngati kupoma ukwa mizi, sona ngati kujilimisya ukwa vula. Izyu lila likati, “U Chala apaliwanje! Pakuti u Mwene, u Chala witu, Uwamaka Ghosi, we Mwene!

Ubuvumbuli 20:11

Po nkennya ichitengo icha bumwene ichikulu ichiswepu, sona na yuyo akikalapo. Ichisu ichapasi na kumwanya vikachimbila pantazi papache, sona vitakaboneka sona.