Masalimo 47:3 - IBAYIBOLO 2024

³ Akubapota abantu aba inko izinji pakuba pasi papitu, sona akulubika uluko ulunji kusi kunyayo zyitu.

Masalimo 47:3 Iomraidhean Croise

Masalimo 110:1

U Mwene akamubuzya u mwene wane akati, “Ikala apa kunyobe yane indilo, mupaka imbabike abalwani bako kusi kunyayo zyako.”

Masalimo 18:47

We Chala yuyo akuntanizizya, umwakuti akunyavwa pakuzipota inko izinji.

Masalimo 66:5

Zagha mwennye zizyo u Chala abomba, imbombo zyache zyakuswighisya nkani pakasi pabantu!

Masalimo 81:14

Ngali nabapota abalwani babo lubilolubilo, sona ngali nabafunda abantu babo bakubabenga.

Masalimo 95:3

Pakuti u Mwene we Chala umukulu, we Mwene umukulu nkani ukubachila abachala bosi.

Masalimo 99:2

U Mwene mukulu mu Ziyoni, sona ali pamwanya pabantu aba inko zyosi.

Yelemiya 10:7

Wee Mwene uwa inko zyosi, nkimba wewenu yuyo atangakunyila? Pakuti zikubaghiye ukuti abantu bakunyilaye. Pakasi pa balongozi abamahala bosi aba inko sona mubumwene bwabo bosi, atalipo nayumoyumo yuyo ayanite nawe.

Zekaliya 14:9

U Mwene akwiza pakuba we mwene uwa chisu chosi ichapasi. Pisiku lilalila akwiza pakubako u Mwene weka, sona akwiza pakumanyikwa ni tabwa lyoka mpela.

Malaki 1:14

“Aghuniwanje umuntu yuyo muzimbuli, ali ni chitekwa ichanavuli ichiza mumudimo wache, akufinga pakubika, loli akwiyipa chicho chili ni chilema kwa Mwene. Pakuti ane ne mwene umukulu nkani.” U Mwene Uwamaka Ghosi anena, “Sona itabwa lyane libaghiye pakuchindikiwa pakasi pa inko.”

1 Aba Kolinti 15:25

Pakuti u Kilisitu alaghilaye mupaka papo u Chala ababika abalwani bache kusi kunyayo zyache.

Ukukumbusya Amalamulo 33:29

Mwee ba Izilayeli, mwe basayiwa nkani! Nkimba wewenu yuyo ayanite namwe, mwe bantu babo bapokiwe nu Mwene? U Mwene umwenecho we ngulu yinyu, sona wepanga winyu uwakupotela. Abalwani binyu bakwiza pakukupama, po amwe mukwiza pakubakanyankila pasi.”

Aba Filipi 3:21

Umwene akwiza pakwandula amabili ghitu ghagho ghakufwa nukughapela ukuti ghabanje ngati gho mubili wache uwabuchindamu ukwendela mumaka ghache aghakupotela nagho ivintu vyosi.

Yoshwa 21:44

U Mwene akabapa umutende kunkuto zyosi, ukuyana namumo akabalayizizya abanyenya babo. Atakabapo nayumoyumo umulwani uwakuti angabapota, pachifukwa ichakuti u Mwene akababika abalwani babo bosi munyobe zyabo.