Masalimo 47:1 - IBAYIBOLO 2024

¹ Mwee bantu aba inko izinji, komagha inkufi, mumwimbilaye umwakulomoka u Chala pachifukwa icha buhobosu.

Masalimo 47:1 Iomraidhean Croise

2 Samuweli 6:15

U Devedi poka naba Izilayeli bosi bakiza ni Bokosi ilya Lufingo ilya Mwene lila, bo bakukolomoka nkani nukulizya amapati.

2 Abamwene 11:12

U Yehoyada akamufumya kuzi umwana uwa mwene yula nukumuvwika impumpu. Po akamupa ibuku ilya ndaghilo nukumwimika pakuba we mwene. Bakamupakazya amafuta agha syunguti ukuti abanje we mwene, sona abantu bakakoma inkufi nukukolomoka ukuti, “Wee mwene, tukukulondela ubumi ubutali.”

2 Imbili 13:15

po abantu aba mu Yuda bakakolomoka pakubabuzya abantu nizya bwite. Bo bakolomoka bulabula, u Chala akamupota u Yelobowamu, poka naba Izilayeli pamaso pa Abiya na bantu aba mu Yuda.

Masalimo 106:47

Wee Mwene Chala witu, tupoke sona tubungannye poka nukutupoka munyobe izya inko izinji, umwakuti tulipalizyanje itabwa lyako izelu, nukukupala.

Masalimo 42:1

Ngati mumo imbabala yikusambila utusoko utwa mizi, wee Chala wane nane bulo nkukusamba.

Masalimo 46:1

U Chala we wapakuvwama pitu, sona we maka ghitu, yuyo iyanizye pakutwavwa pakabalilo akantamyo.

Masalimo 47:5

U Chala akakwela bo abantu bakukolomoka pachifukwa icha buhobosu, sona u Mwene akwela kumwanya, bo abantu bakulizya amapati.

Masalimo 98:4

Wee chisu ichapasi, kolomokagha pamaso pa Mwene, pachifukwa icha buhobosu, mumwimbilaye umwakuhoboka inyimbo izya mapalo.

Masalimo 98:8

Isoko zikomaye inkufi, amaghamba ghimbaye poka pachifukwa icha buhobosu.

Yesaya 55:12

Pakuti mukwiza pakwepamo nu lusekelo, bakwiza pakubefyamo umwamutende bulo, amaghamba nu tumaghamba, vikwiza pakwimba pamaso papinyu, sona amakwi ghosi agha mumusito, ghakwiza pakubakomela inkufi zyabo.

Yelemiya 31:7

U Mwene akuti, “Mumwimbilaye u Yakobo umwabuhobosu, mukolomokaye pachifukwa icha luko lulo luchilite inko zyosi. Mumwimbilaye bo mukumupala mukuti, ‘Wee Mwene, bapoke abantu bako, aba Izilayeli abakusyalako.’

Zefaniya 3:14

Wee Ziyoni, imbagha nkani! Wee Izilayeli, kolomokagha nkani! Wee Yelusalemu, hobokagha nukusekela nu moyo wako ghosi!

Zekaliya 4:7

“Ghope na maghamaba amakulu nkani ghakwiza pakuba makombe pamaso pa Zelubabeli, akwiza nibwe ilya pankuto bo abantu bakukolomoka bakuti, ‘Mwee yikuboneka akiza! Mwee yikuboneka akiza!’ ”

Zekaliya 9:9

Mwee bantu aba mukaya akakulu nkani aka Ziyoni, sekelagha nkani! Mwee bantu ba mu Yelusalemu, hobokagha! Ennya, u mwene winyu akwiza kukwinyu, mugholosu sona ali nubupoki, mololo sona akwelite pampunda inyanavuli, umwana wampunda.

1 Samuweli 10:24

U Samuweli akababuzya abantu bala akati, “Nkimba mukumwennya umuntu yuyo u Mwene amusalite? Atalipo nayumo umuntu pakasi pabantu bosi yuyo ayanite nawe.” Po abantu bosi bakakolomoka bakati, “Tukukulondela ubumi ubutali!”