Masalimo 46:6 - IBAYIBOLO 2024

⁶ Abantu aba inko izinji bakali, ubumwene ubwakulekanalekana bukutetema. Nanti u Chala akunena, ichisu chikusunguluka.

Masalimo 46:6 Iomraidhean Croise

2 Abamwene 19:34

Nkwiza pakukazighilila akaya akakulu nkani aka nukukapoka, pachifukwa chanene, sona na pachifukwa icha mubombi wane u Devedi.’ ”

2 Imbili 20:1

Pakabalilo kamo aba Mowabu naba Amoni poka naba Mebuni bamo, bakiza pakulwa ubwite nu Yehoshafati.

Masalimo 125:1

Babo bamusubiye u Mwene, bali ngati lighamba ilya Ziyoni, lilyo litangayingana, loli likubangako bwila na bwila.

Masalimo 18:13

U Mwene akajilimisya kumwanya, sona izyu ilya Uwakumwanya Nkani likivwika.

Masalimo 68:33

U Mwene weyuyo akwendezya mumwanya, akujilimisya nizyu ikulu nkani.

Masalimo 68:8

Po ichisu ichapasi chikayingana, sona kumwanya kukatimizya ivula, pamaso pa Chala, yuyo we Chala uwa lighamba ilya Sinayi, sona pamaso pa Chala uwa ba Izilayeli.

Masalimo 97:5

Amaghamba ghakusunguluka ngati mpula pamaso pa Mwene, pamaso pa Mwene uwa ichisu chosi ichapasi.

Yesaya 31:5

Ngati mumo utuyuni tukubulukila mumwanya, momumo u Mwene Uwamaka Ghosi, akwiza pakumuvighilila u Yelusalemu, akwiza pakumuvighilila nukumupoka, akwiza pakumusungilila nukumutabula.”

Yesaya 33:20

Ennya mukaya akakulu nkani aka Ziyoni, akaya akalusekelo lwitu, Amaso ghinyu ghakwiza pakumwennya u Yelusalemu, ubuzilo ubwakwikalamo mumo muli umutende, ichisakasa chicho chitakwiza pakunyunkuliwapo, pamo inkusa ukudumuka.

Yelemiya 25:30

“Yelemiya, buka kabalaghulile ukuti, ‘U Mwene akwiza pakubuluma kumwanya, sona akwiza pakupaya mubuzilo bwache ubuzelu ubwakwikalamo, nukuchibungulizizya nkani pachisu chache. Akwiza pakukolomoka ngati bantu babo bakukanyanka amampesya, nukubakolomokela babo bakwikala muchisu.

Ezekiyeli 48:35

“Akaya kosi akakulu nkani umwakuzyungulila kakwiza pakuba amamita 9,000. Ukwanda pakabalilo kalakala mupaka muntazi, akaya akakulu nkani kakwiza pakwitiziwanga ukuti, ‘U Mwene ali Palapala.’ ”

Yoweli 2:11

Izyu ilya Mwene likujilimisya pamaso pabasilikali bache, abasilikali bache binji nkani ukuchilapo. Bamaka babo bakubomba zizyo u Mwene akulonda. Isiku ilya Mwene likulu nkani, sona lyakoghofya nkani. Nkimba wewenu yuyo angajimba?

Amosi 1:2

U Amosi akati, “U Mwene akubuluma mu Ziyoni, sona akujilimisya mu Yelusalemu. Apakudimilapo ivitekwa pumiye, sona isote ilya pighamba ilya Kalimeli likufoka.”

Amosi 9:13

U Mwene akuti, “Mumasiku ghagho ghakwiza uwakwinula akwiza pakumuchila yuyo akulima, wepe uwakubyala akwiza pakumuchila yuyo akukanyankila amampesya. Mumaghamba mosi mukwiza pakutonya uvinyo umupya, po uvinyo akwiza pakwenda mutughamba tosi.

Amosi 9:5

U Mwene, u Mwene Uwamaka Ghosi, yuyo achipalamasya ichisu ichapasi chikusunguluka, sona abantu babo bakwikalamo bakulila. Ichisu chosi chikwizula ngati lusoko ulwa Nayilo, sona chikupwa ngati lusoko ulwa mu Ijiputi.

Mika 1:4

Amaghamba ghakusunguluka muntende mwa Mwene. Ghope amakombe ghakulepunkana, ngati mpula pamoto, sona ngati mizi aghakwika pighamba.

Nahumu 1:5

Amaghamba ghakuneng'ena pamaso papache, sona utumaghamba tukusunguluka. Ichisu chikutetema pamaso papache, ichisu chosi ichapasi sona na babo bakwikala mulamula.

Ukukumbusya Amalamulo 7:21

Mutakabanyilaye abantu banaba, pakuti u Mwene u Chala winyu ali namwe. U Chala mukulu, sona weyuyo mumunyilaye.

Yoshwa 2:11

Bo twivwa bulo zinizi, mukasi mukasunguluka, sona amaka ghakatuwila pachifukwa icha mwemwe. Pakuti tuzimenye ukuti u Mwene u Chala winyu we Chala uwakumwanya ni chisu ichapasi.

Yoshwa 2:24

Bakamubuzya u Yoshwa yula bakati, “Naloliloli u Mwene atupiye ichisu chosi chinichi. Abantu bosi kulakula bakutunyila nkani.”

Yoshwa 2:9

nukubabuzya ukuti, “Inzimenye ukuti u Mwene abapa ichisu chosi chinichi, po twebosi tukubanyila, sona amoyo ghitu ghali bulo mumwanyamwanya.

Ubuvumbuli 20:11

Po nkennya ichitengo icha bumwene ichikulu ichiswepu, sona na yuyo akikalapo. Ichisu ichapasi na kumwanya vikachimbila pantazi papache, sona vitakaboneka sona.