Masalimo 46:5 - IBAYIBOLO 2024

⁵ U Chala ali mukaya akakulu nkani kalakala, po katakwiza pakunanganika, po u Chala akwiza pakukavwa bo izuba likufuma.

Masalimo 46:5 Iomraidhean Croise

Masalimo 112:6

Naloli atakwiza pakuyingana nalumolumo, umuntu umugholosu atakuluviwapo nalumo.

Masalimo 125:1

Babo bamusubiye u Mwene, bali ngati lighamba ilya Ziyoni, lilyo litangayingana, loli likubangako bwila na bwila.

Masalimo 143:8

Pandabindabi posi unkumbusyanje nizya lughano lwako, lulo lutakupotwapo nalumolumo, pakuti nkusubiye wewe. Undanjizyanje izila iyakuti nendayemo, pakuti nkwiputa kukwako.

Masalimo 30:5

Pakuti ubukali bwache bukubangako pakabalilo akapimpa bulo, loli ichisa chache cha bwila na bwila. Umuntu angachelezya pakulila, loli ubuhobosu bukwizagha po pandabindabi.

Masalimo 37:40

U Mwene akubavwa nukubapoka. Akubapoka munyobe izya bantu ababibi, pachifukwa ichakuti bakuchimbilila kukwache.

Masalimo 62:2

Wee lyalabwe lyane nu bupoki bwane, sona we lilinga lyane, po ntakwiza pakuyingana nalumolumo.

Masalimo 62:6

U Mwene we lyalabwe lyane, sona we bupoki bwane, we lilinga lyane, po ntakwiza pakuyingana.

Masalimo 68:18

Bo akukwela kumwanya, ukabalongolela abakayidi abanji, po abantu bakakupa ivyabupi ivyinji nkani. Bope abantu abakusambuka bakakupa ivyabupi, umwakuti awe we Mwene u Chala wikalayemo.

Ukufuma 14:24

Kubuche bo u Mwene ali mumpanda iya libingu na mumpanda iya moto akabennya abasilikali aba ba Ijiputi nukubavulungannya.

Ukufuma 14:27

U Mozesi akagholosezya inyobe yache panyanja, po kubuche amizi ghala ghakanyokela mubuzilo bwache. Aba Ijiputi bakayezya pakughalyegha, loli u Mwene akabibizya mumo.

Yesaya 12:6

Mwee bantu aba mu Ziyoni kolomokagha nukwimba umwakughoboka! Pakuti Umuzelu uwa Izilayeli weyuyo mukulu, pakasi papinyu.”

Ezekiyeli 43:7

Akati, “Wee mwana uwa muntu, ubu bo buzilo bwane ubwa chitengo chane icha bumwene sona ubuzilo ubwa nyayo zyane. Uku ko kuko nkwiza pakwikala pakasi paba Izilayeli bwila na bwila. Aba Izilayeli batakwiza pakulinyazya sona itabwa lyane izelu pamo abamwene babo, babo bakwiputa ku bachala abanji pamo pakubika imivimba iya bamwene babo pabuzilo ubwa kwiputilapo.

Ezekiyeli 43:9

Ilelo bafumyemo ubwamalaya bwabo nivifwani ivya bamwene babo, po nkwiza pakwikala pakasi papabo bwila na bwila.

Ezekiyeli 47:1

Umuntu yula akanyosezya kumulyango uwa Nyumba iya Chala, po nkennya amizi ghakufuma kuzi ukwamulyango ghugho ghukennya kubufumilo bwizuba. Amizi ghala ghakikilagha kuntende ukwa lubazu ulwa Nyumba iya Chala, kuntende ukwa chighemo.

Hoseya 11:9

Ntakwiza pakufumya ubukali bwane ubwakoghofya, pamo pakumunangannya sona u Efulayimu, pakuti ane ne Chala, tene muntu awe. Ane ne Muzelu indi pakasi papinyu. Ntakwiza nu bukali.

Yoweli 2:27

Po mukwiza pakumanya ukuti indi mu Izilayeli, ukuti ane ne Mwene u Chala winyu, sona nukuti atalipo uyunji, awe. Abantu bane batakwiza pakukoziwa sona isoni.

Zefaniya 3:15

U Mwene efyapo ulufundo lwinyu, nukubachimbizya abalwani binyu. U Mwene, umulaghili uwa ba Izilayeli ali namwe, mutakwiza pakunyila sona intamyo zimo.

Zekaliya 2:5

Po ane nkwiza pakubanga ne lupaso ulwa moto sona nkwiza pakubanga ne buchindamu bwache mulamula, u Mwene anena.’ ”

Zekaliya 8:3

Po u Mwene Uwamaka Ghosi akuti, “Nkwiza pakunyokela mu Ziyoni nukwikala mu Yelusalemu. Po u Yelusalemu akwiza pakwitiziwa ukuti Akaya Akakulu Nkani Akasubiliwa sona kakwiza pakwitiziwa ukuti ighamba ilya Mwene Uwamaka Ghosi, likwiza pakwitiziwa ukuti Ighamba Izelu.”

Matayi 18:20

Pakuti nanti babili pamo batatu bakuba poka mwitabwa lyane, indi poka nabo.”

Luka 18:8

Nkubabuzya ukuti akwiza pakubalongela akiza, sona akwiza pakubomba umwalubilolubilo. Loli bo u Mwana uwa Muntu akwiza, nkimba akwiza pakulwagha ulwitiko pachisu ichapasi?”

Ukukumbusya Amalamulo 23:14

Muvisakasa vyinyu mutabanje ubunyazu, pachifukwa ichakuti u Mwene u Chala winyu, akwendakwenda pakasi pa visakasa vyinyu, ukuti abapoke munyobe izya balwani binyu. Ivisakasa vyinyu vibanje viswepu, umwakuti atakabwennyemo nabumobumo ubunyazu, bubo bungamupela u Mwene ukuti epepo pakasi papinyu.

Ubuvumbuli 2:1

“Uwantumi uwa muchipanga icha mu Efeso umusimbile uti, “Amazyu ghagho ghaneniwa na yuyo alemite intondwa seveni munyobe yache indilo, sona yuyo akwenda pakasi pa vyakubikapo inyale izya golide seveni gho agha: