Masalimo 46:2 - IBAYIBOLO 2024

² Polelo tutakumunyila, napapo ichisu ichapasi chinganduka, napapo amaghamba ghangawila munyanja inyibizu.

Masalimo 46:2 Iomraidhean Croise

2 Samuweli 22:3

U Chala wane we lyalabwe lyane, yuyo nkuponelamo. U Mwene we ngulu yane, ni mpembe yane, iya bupoki bwane. U Mwene we lilinga lyane, mumo nkuponelamo, sona we mupoki wane, yuyo akumpoka munyobe izya bantu ababibi.

Masalimo 142:6

Ivwa ukulila kwane, pakuti nkuyimba nkani. Mpoka munyobe izya bantu babo bakunchimbizya, pakuti bamaka nkani ukunchila.

Masalimo 18:7

Ichisu ichapasi chikatetemagha nukukayingana, sona ulwalo ulwamaghamba lukayinganagha, pachifukwa ichakuti akakalala.

Masalimo 23:4

Napapo nkwenda mwikombe ilya chisi icha bufwe, ntakwiza pakunyila ichintu ichibibi nachimochimo, pakuti uli nane. Intughu ni ndisa yako vikunsangalusya.

Masalimo 27:3

Napapo abasilikali bangazyungulila, ntakwiza pakunyila napo panandi. Napapo bangalwa nane ubwite, pope bulo nkwiza pakujimba umoyo.

Masalimo 28:7

U Mwene we maka ghane sona we ngulu yane, po umoyo wane ghumusubiye sona anyavwa. Umoyo wane ghukunyelanyela pachifukwa icha buhobosu, sona nkwiza pakumupala ni nyimbo.

Masalimo 37:39

Ubupoki ubwa bantu abagholosu bukufuma kwa Mwene, sona we lilinga lyabo pakabalilo akantamyo.

Masalimo 59:17

Wee Maka ghane, nkwiza pakukwimbila inyimbo izya mapalo, wee Chala, we lilinga lyane, sona ulughano lwako papane lutakupotwangapo nalumolumo.

Masalimo 62:8

Mwebaya mumusubilaye akabalilo kosi, mumubuzyanje intamyo zyinyu zyosi, pakuti u Chala we buzilo bwitu ubwakuvwamilamo.

Masalimo 62:9

Abantu bosi bali ngati muyi bulo, abapasi na bapamwanya bosi bayanite bulo. Nanti bapimiwa ni chipimilo batakung'wama, pakuti bosi banaba bayanite bulo nu muyi.

Masalimo 82:5

“Batakumanyapo nachimochimo sona bate na mahala naghamoghamo. Bakwendakwenda bulo muchisi, ulwalo lwachisu ichapasi lukuyingana.

Masalimo 91:2

Nkuti, “U Mwene wakuvwamilamo ni linga lyane, u Chala wane yuyo imusubiye.”

Yelemiya 14:8

Wee lusubilo ulwa ba Izilayeli, we Mupoki wabo pakabalilo akantamyo, nkimba choni chicho ukuba ngati we muyeni muchisu, ngati mwendazila yuyo akwikalamo bulo ubusiku boka mpela?

Nahumu 1:7

U Mwene mwiza, wakuponelamo mukabalilo akantamyo. Akubasungilila babo bamusubiye,

Matayi 21:21

U Yesu akamula akati, “Naloli nkubabuzya ukuti nanti mukusubila nukusita ukwilamwa mukwiza pakubomba vivyo nachibombela ichikuyu chinichi. Sona chite cho chinichi chene loli mungalibuzya ighamba ili ukuti, ‘Nyamuka bukagha nukwisumba munyanja.’ Po ichi chikwiza pakubombiwa.

Luka 21:33

Kumwanya ni chisu ichapasi vikwiza pakumala, loli amazyu ghane ghakwiza pakuba na maka bwila na bwila.”

Aba Hebeli 13:6

Po zagha tunene nu bujivu ukuti, “U Mwene we mwavwilizi wane, po ntakwiza pakunyila. Nkimba umuntu angabomba choni nane?”