Masalimo 46:11 - IBAYIBOLO 2024

¹¹ U Mwene Uwamaka Ghosi ali naswe, sona u Chala uwa Yakobo we lilinga lyitu.

Masalimo 46:11 Iomraidhean Croise

1 Abamwene 20:28

Po umulaghuzi akiza nukumubuzya u mwene uwa Izilayeli ukuti, “U Mwene ati, ‘Pachifukwa ichakuti aba Siliya bakwinong'ona ukuti ane ne Mwene ne chala uwa mumaghamba, sona nukuti te ne chala uwa mumakombe, po nkwiza pakuchibika munyobe zyako ichilundilo ichikulu ichi, sona mukwiza pakumanya ukuti ane ne Mwene.’ ”

2 Imbili 20:6

nukuti, “Wee Mwene u Chala uwa banyenya bitu, nkimba awe te we Chala yuyo akwikala kumwanya? Awe wewe ukulaghila inko zyosi izya muchisu ichapasi. Amaka nu bulaghili vili munyobe zyako sona atalipo nayumoyumo yuyo angalwana nawe.

2 Imbili 33:13

Bo iputa, u Mwene akivwa ulwiputo lwache nukulambilizya kwache. Po akamunyosekezya ku Yelusalemu ku bumwene bwache. U Manase akazimanya ukuti u Mwene we Chala.

Masalimo 46:1

U Chala we wapakuvwama pitu, sona we maka ghitu, yuyo iyanizye pakutwavwa pakabalilo akantamyo.

Masalimo 46:7

U Mwene Uwamaka Ghosi ali naswe, sona u Chala uwa Yakobo we lilinga lyitu.

Masalimo 48:3

U Chala ilanjizya mwene ukuti akukavighilila akaya kala, pakuti akwikala mukasi mumalinga ghache.

Yesaya 2:11

Abantu abamituvyo bakwiza pakukoziwa isoni, sona abantu abakwitutumula bakwiza pakwisiwa pasi. U Mwene weyuyo mpela akwiza pakukweziwa pisiku lilalila.

Yesaya 2:17

Bosi abakwitutumula bakwiza pakukoziwa isoni, sona bosi abamituvyo bakwiza pakwisiwa pasi. Loli u Mwene weyuyo akwiza pakukweziwa pisiku lilalila.

Yelemiya 16:19

Wee Mwene, awe we maka ghane, nilinga lyane sona nkuvwamila mumwako mukabalilo akantamyo, inko izya bantu izya ukufuma pachisu ichapasi, zikwiza pakwiza kukwako nukuti, “Abanyenya bitu batakapyanapo chimo, loli abachala aba bumyasi sona na vivyo vite ni mbombo nayimoyimo.

Ukukumbusya Amalamulo 33:27

U Chala uwa bwila na bwila bo buponelo bwinyu sona pasi pachisu ko akubasungilila bwila na bwila. Akabachimbizya abalwani binyu pamaso papinyu, nukubabuzya ukuti, ‘Mubanangannye bosi.’