Masalimo 46:10 - IBAYIBOLO 2024

¹⁰ “Banga bulo myee, sona uzimanye ukuti ne Chala, sona abantu aba inko izinji bakwiza pakumpala, bope abantu aba muchisu ichapasi bakwiza pakunkwezya.”

Masalimo 46:10 Iomraidhean Croise

1 Abamwene 18:36

Pakabalilo akakubikila ichakwiyipa umulaghuzi u Eliya akiza pantazi nukwiputa ukuti, “Wee Mwene u Chala uwa Abulahamu nuwa Yisaki nuwa Yakobo, ilelo chimanyikwe ukuti awe we Chala uwa ba Izilayeli sona nukuti ane ne mubombi wako. Ane nabomba zyosi zinizi pachifukwa ichakuti ukandamula.

2 Abamwene 19:12

Nkimba abachala aba inko babo abanyenya bane bakabanangannya bakabapoka munyobe zyane? Abachala aba Gozani naba Halani naba Lezefu sona na bantu aba mu Edeni, babo bakaba mu Teli Asali?

2 Abamwene 6:23

Po u mwene yula akabayanizizya ulusekelo ulukulu nkani. Bo balya nukung'wela, akababuzya ukuti babwelaye. Po bakanyokela kwa mwene wabo mu Siliya. Ukwandila pakabalilo kalakala amavyondongo agha mu Siliya ghakaleka pakufyula ivintu mu Izilayeli.

1 Imbili 29:11

Awe we Mwene we mukulu nkani, sona we wamaka nu wabuchindamu sona we mupoti. Pakuti ivintu vyosi ivya kumwanya ni vya pachisu ichapasi vyosi vyako. Wee Mwene, wemwenecho uwa vintu vyosi ivya pachisu ichapasi.

Masalimo 100:3

Muzimanye ukuti u Mwene we Chala, weyuyo akatupela, po twe bantu bache. Twe bantu bache, ing'ozi izya mudimo wache.

Masalimo 21:13

Wee Mwene upaliwanje pachifukwa icha maka ghako, sona tukwiza pakukwimbilagha inyimbo izyakughapalizikizya amaka ghako.

Masalimo 37:15

Loli abapanga babo bakwiza pakughalasa amoyo aghabo na ghabo, sona ubwele bwabo bukwiza pakupyoka.

Masalimo 57:5

Wee Chala, lanjizya ubukulu bwako ukuchila mumwanya nkani, sona ubuchindamu bwako bwizulaye pachisu chosi icha ichapasi.

Masalimo 83:18

Bakumanye ukuti naloli awe itabwa lyako we Mwene, we Wakumwanya Nkani pachisu chosi ichapasi ichi.

Ukufuma 18:11

Ilelo namanya ukuti, u Mwene wamaka nkani ukubachila abachala abanji bosi, pachifukwa ichakuti akabapoka aba Izilayeli munyobe izya ba Ijiputi, bo bakubayivya.”

Yesaya 2:11

Abantu abamituvyo bakwiza pakukoziwa isoni, sona abantu abakwitutumula bakwiza pakwisiwa pasi. U Mwene weyuyo mpela akwiza pakukweziwa pisiku lilalila.

Yesaya 2:17

Bosi abakwitutumula bakwiza pakukoziwa isoni, sona bosi abamituvyo bakwiza pakwisiwa pasi. Loli u Mwene weyuyo akwiza pakukweziwa pisiku lilalila.

Yesaya 2:4

Akwiza pakulonga pakasi pa inko inyinji, pakasi pa bantu abinji,. Abantu bakwiza pakusyana abapanga babo pakuba majembe, sona impalala zyabo pakuba sengo. Inko zitakwiza pakulwa ubwite ninko izinji, pamo pakumanyila sona akalwile aka bwite.

Yesaya 5:16

Loli u Mwene Uwamaka Ghosi akwiza pakukweziwa nubwanaloli bwache, po u Chala umuzelu akwiza pakwilanjizya mwene, pakuba muzelu mubugholosu bwache.

Yelemiya 49:35

“Teghelezya, nkwiza pakupyolannya ubwele ubwa Elamu, chicho chilwilo chabo icha maka nkani.

Ezekiyeli 30:8

Po bakwiza pakuzimanya ukuti ane ne Mwene, bo napemba umoto mukaya aka Ijiputi, sona nukubaghogha babo bakumwavwa.

Ezekiyeli 38:23

Po nkwiza pakulanjizya ubukulu bwane nubuzelu bwane, sona nkwiza pakwivumbula pamaso pa inko inyinji. Po bakwiza pakumanya ukuti ane ne Mwene.”

Ezekiyeli 39:3

Po nkwiza pakubukomela pasi ubwele bwako munyobe yako imongo nukutuwisya utulasilo munyobe yako indilo.

Mika 4:3

Akwiza pakulonga pakasi pa inko inyinji, pakasi pa inko izyamaka, izya papipi nizya kubutali bulo. Abantu bakwiza pakusyana abapanga babo pakuba majembe, sona impalala zyabo pakuba sengo. Inko zitakwiza pakulwa ubwite ninko izinji, pamo pakumanyila sona akalwile aka bwite.

Habakuku 2:20

Loli u Mwene ali Munyumba yache izelu, leka ichisu chosi ichapasi chibe myee pamaso papache.

Zekaliya 2:13

Mwe bantu mwebosi, mubanje bulo myee pamaso pa Mwene, pakuti avundumuka ku buzilo bwache ubuzelu bubo akwikalako.

Yoshwa 11:6

U Mwene akamubuzya u Yoshwa akati, “Utakabanyilaye, pachifukwa ichakuti pakabalilo kanaka indabi nkwiza pakubabika bosi munyobe izya ba Izilayeli ukuti babaghoghe. Muzidumule inkole izya vinama ifalasi zyabo, sona zyope ingolo zyabo muzyoche.”

Yoshwa 11:9

U Yoshwa akababombela zizyo u Mwene akamulamula. Akazidumula inkole izya vinama izya falasi zyabo, nukuzyocha ingolo zyabo.

1 Samuweli 17:46

Umusanya ughu u Mwene akwiza pakukubika munyobe zyane sona nkwiza pakukukoma nukukudumula umutu. Umusanya ughu nkwiza pakuvisumbila iviyuni ni vinyamana imivimba iya basilikali aba Filisiti, sona ichisu chosi ichapasi chikwiza pakumanya ukuti mu Izilayeli alimo u Chala.

1 Samuweli 2:4

“Ubwele ubwa basilikali abamaka bwapyoka loli abantu babo bakipunula,” ilelo bali na maka nkani.