Masalimo 45:7 - IBAYIBOLO 2024

⁷ Ubughanite ubugholosu sona ububengite ububibi. Polelo u Chala wako akupakazya na mafuta agha buhobosu ukubachila abamanyani bako.

Masalimo 45:7 Iomraidhean Croise

1 Abamwene 19:16

Sona umupakazye amafuta u Yehu umwana uwa Nimishi ukuti abanje we mwene uwa ba Izilayeli, umupakazye sona nu Elisha umwana uwa Shafati uwamu Abeli Mehola ukuti akupyane pakuba mulaghuzi.

Masalimo 101:8

Pandabindabi posi nkwiza pakubapumizya, abantu bosi ababibi muchisu. Nkwiza pakubefyamo ababomba mbibi, ukufuma mukaya akakulu nkani aka Mwene.

Masalimo 11:7

Pakuti u Mwene we mugholosu, sona abughanite ubwanaloli, Po abagholosu bakwiza pakuchennya icheni chane.

Masalimo 2:2

Abamwene aba pachisu ichapasi basambukite, sona bope abalaghili babunganite poka pakumusambukila u Mwene poka nu Mupakiwa wache.

Masalimo 21:6

Naloli wamupanga ulusayo ulwa bwila na bwila, sona umupiye ubuhobosu nu lusekelo pachifukwa ichakuti uli nawe.

Masalimo 33:5

U Mwene abughanite ubugholosu nu bwanaloli, sona ichisu ichapasi chizuye nu lughano lulo lutakupotwanga nalumolumo.

Masalimo 89:20

Namwagha u Devedi umubombi wane. Po namupakazya amafuta amazelu

Masalimo 89:26

Ambuzye ukuti, ‘Awe we Tata wane nu Chala wane, sona we lyalabwe Umupoki wane.’

Masalimo 99:4

U Mwene wamaka, sona abughanite ubwanaloli, ubwikazizye ubwanaloli. Wabomba ingolosu sona izyanaloli mwa Yakobo.

Yesaya 11:4

loli nu bugholosu akwiza pakubalongela abapotwe, nukubadumulila abapina mubwanaloli aba muchisu ichapasi. Akwiza pakuchikoma ichisu ichapasi nindisa iya mumulomo wache, umuyi uwa milomo yache gho ghukwiza pakubaghogha ababomba mbibi.

Yesaya 9:6

Pakuti u mwana atupapiliwa aswe, u mwana umwanavuli apeghiwa kukwitu, weyuyo akwiza pakulaghila. Akwiza pakwitiziwa ukuti mumanyisya amahala uwakuswighisya, u Chala Uwamaka Ghosi, U tata uwa bwila na bwila, u Mwene uwa mutende.

Aba Levi 8:12

Akamupungulila u Aloni amafuta ghamo aghakupakazya pamutu wache ukuti amupaghule.

Matayi 3:15

U Yesu akamwamula akati, “Vileke vibanje bunubu pakabalilo aka, pakuti tukwiza pakubomba zyosi zizyo u Chala akulonda.” Po u Yohani akitika.

Matayi 7:23

Po nkwiza pakubabuzya ukuti, ‘Ntabamenye nalumo, epapo, mwe bantu ababibi amwe!’

Luka 13:27

Loli akwiza pakunena sona ukuti, ‘Intamenyeko kuko mwafuma. Epako, mwe bantu ababibi amwe.’

Luka 3:22

sona u Muzimu Umuzelu akamwikila ngati yo nkunda. Po izyu likivwika kumwanya likati, “Awe we Mwana wane umughaniwa. Ihobokite nkani nawe.”

Yohani 1:16

Pachifukwa icha bukulu ubwa chisa chache, atusayite twebosi pakutupa ulusayo pamwanya pa lwamwabo.

Yohani 20:17

U Yesu akamubuzya akati, “Utakampalamasye pakuti inchili pakukwela kumwanya kwa Tata. Loli kababuzye abakamu bane ukuti, ‘Nkunyokela kumwanya kwa Tata wane, yuyo namwe we ghuso winyu, sona u Chala wane, yuyo namwe we Chala winyu.’ ”

Yohani 3:34

Pakuti yuyo u Chala amutumite akunena amazyu agha Chala, pachifukwa ichakuti u Chala akumupa u Muzimu Umuzelu ukusita ukumamilizya.

Imbombo 2:28

Wandanjizya izila iyakubukila kubumi, sona ukwiza pakunyizuzya nu buhobosu pamaso papako.’

Aba Loma 8:29

Pakuti abantu babo u Chala akabasala kale, akabapaghula pakuba ngati we Mwana wache, umwakuti u Mwana wache abanje ngati we katote mu bakamu abinji.

Aba Efeso 1:3

Amapalo ghabanje kwa Chala, Uwise uwa Mwene witu u Yesu Kilisitu, yuyo atusayite aswe mwa Kilisitu pakutupa ulusayo ulwakulekanalekana ulwa buzimu kumwanya.

Aba Hebeli 1:9

Mukuchighana ichintu chicho chigholosu, loli mukuchibenga ichintu chicho chibibi. Ichi cho chifukwa u Chala, yuyo we Chala winyu, akabapakazya na mafuta agha buhobosu ukuchila abamanyani binyu.”

Aba Hebeli 2:14

Pakuti abana banaba bantu bulo, babo bali nu mubili ni banda, u Yesu umwenecho akanduka ngati bo babo nukugabana nabo akabele kabo ukwendela mu bufwe bwache ukuti amunangannye u Satana, yuyo ali na maka agha bufwe.

Aba Hebeli 7:26

Chikaba chakulondiwa ukuti aswe tubanje nu muputi usongo yunuyu. Umuputi uyu muzelu, yuyo ate ni chilema nachimochimo, sona ate ni mbibi nayimoyimo. Umwene akakweziwa ukuchila ivintu vyosi ivya kumwanya.

Ubuvumbuli 21:27

Loli mute mukinjilemo nachimochimo ichintu chicho chinyazu, pamo umuntu wesi yuyo akubomba imbombo izya kukozya isoni pamo umumyasi. Abantu bene babo amatabwa ghabo ghasimbiwe mwibuku ilya bumi ilya Mwana uwa ng'ozi, bo babo bakwiza pakwinjilaghamo.

1 Samuweli 16:13

U Samuweli akasenda amafuta nukumupakazya u Devedi pamaso pa bawamwabo bala. Po ukwandila pisiku lilalila umuzimu uwa Mwene akamwinjila u Devedi na maka. Pisinda pache u Samuweli akabwela ku Lama.