Masalimo 45:5 - IBAYIBOLO 2024

⁵ Tulasilo twabo tuto tukwete tulase amoyo agha balwani abamwene, sona inko izinji zyosi ziwanje pasi pavinama vyako.

Masalimo 45:5 Iomraidhean Croise

Masalimo 21:12

Ukwiza pakubachimbizya bo ukubalasa nu tulasilo twako.

Masalimo 22:27

Abantu aba inko zyosi pachisu ichapasi bakwiza pakukumbuka, sona bakwiza pakunyokela kukwache. Po abantu aba inko izinji bakwiza pakufughama pamaso papako.

Masalimo 38:2

Pakuti utulasilo twako twandasa, sona wanfunda na maka ghako amakulu nkani.

Yelemiya 23:6

Mukabalilo kache ichisu icha Yuda chikwiza pakupokiwa sona ichisu icha Izilayeli chikwiza pakwikalagha umwakufwasa. Akwiza pakwitiziwa ni tabwa ilyakuti, ‘U Mwene we Bugholosu bwitu.’ ”

Ukubelengiwa 24:8

U Chala akabefyamo mu Ijiputi. Abene bali na maka ngati mpogho. Bakwiza pakubamila bulo abalwani babo bakwiza pakumenyannya amafupa ghabo nukughalasa nu tulasilo twabo.

Imbombo 2:37

Bo abantu bivwa zinizi, bakapalamasiwa mumoyo, po bakamulalusya u Pitala na batumiwa abanji bakati, “Bakamu bitu, nkimba tubombe choni?”

Imbombo 2:41

Po abantu abinji bakasubila amazyu ghache nukoziwa. Pisiku lilalila abantu abakukwana 3,000 bakonjeleziwako ku kabukatila kabo.

Imbombo 4:4

Loli abinji babo bakivwa amazyu bakasubila. Sona ubwinji ubwa bitiki bukonjelela pakufika pa 5,000.

Imbombo 5:14

Loli abantu abinji bakonjelelaghakonjelelagha ku kabukatila kabo—ichilundilo icha banavuli na bakolo babo bakasubilagha mwa Mwene.

Imbombo 5:33

Bo abalongi bivwa zinizi, bakakalala nkani mupaka nukulonda ukuti abatumiwa bala baghoghiwe.

Imbombo 6:7

Po amazyu agha Chala ghakafumuziwanga. Po akabukatila aka bamanyili mu Yelusalemu kakonjelelaghakonjelelagha, umwakuti na baputi abinji bakitika ulwitiko lwabo.

Imbombo 7:54

Bo abalongi bakuteghelezya kwa Sitefani, bakakalala nukumumemenela amino.