Masalimo 45:2 - IBAYIBOLO 2024

² Awe we wakuboneka akiza nkani ukubachila abanavuli bosi, sona amalomo ghako ghapakaziwa ni chisa, pakuti u Chala akusayite bwila na bwila.

Masalimo 45:2 Iomraidhean Croise

Masalimo 21:6

Naloli wamupanga ulusayo ulwa bwila na bwila, sona umupiye ubuhobosu nu lusekelo pachifukwa ichakuti uli nawe.

Ivyili 22:11

Umuntu yuyo ali nu moyo umuzelu, sona yuyo ali ni neno inyiza, akubanga mumanyani uwa mwene.

Ivyili 5:2

umwakuti ubanje ni nkalo inyiza, nukuti amazyu ghako ghabanje ghamahala.

Inyimbo izya Solomoni 2:3

Ngati mumo libeleye ikwi ilya manyele mumusitu, momumo abeleye umughaniwa wane pakasi pa balumendo. Nkuhoboka nkani pakwikala mukazundila kache, sona ivikomwa vyache vyope vikunona nkani mumulomo wane.

Yesaya 33:17

Amaso ghako ghakwiza pakumwennya u mwene bo akuboneka akiza, nukuchennya ichisu chikukuzuliwa kubutali.

Yesaya 50:4

U Mwene Uwamaka Ghosi amanyisya izya kunena, umwakuti imbasangalusye babo balitite. Indabi yili yosi akunyamusya, akwighula amakutu ghane, ukuti nivwanje zizyo akulonda pakumanyisya.

Yesaya 61:1

U Muzimu uwa Mwene Uwamaka Ghosi ali papane, pachifukwa ichakuti u Mwene ampakazizye amafuta, pakulumbilila amazyu amiza kubapina. Antumite ane pakupozya abamoyo aghakuvulala, pakufumusya ubwabuke ku bazya, nukubasatula ukufuma muchisi icha mubukayidi,

Zekaliya 9:17

Mwee, nkimba bo bwiza boni nukuboneka akiza ukwa chisu chinichi Ingano yikwiza pakubapela abalumendo pakuba bamaka? Sona uvinyo umupya akwiza pakubapela abalindu pakuba bamaka.

Matayi 17:2

Bo bakumwennya, akabonekele aka Yesu kakanduka. Icheni chache chikanyezimila ngati lyo lizuba, sona amenda ghache ghakaba maswepu nkani!

Luka 4:22

Bosi bakamupala nukuswigha nkani na mazyu aghakulema umoyo ghagho akanena. Bakanena bakati, “Nkimba yunuyu ate mwana uwa Yosefu?”

Yohani 1:14

Yuyo akitiziwanga ukuti we Mazyu akanduka muntu nukwikala pakasi papitu. Akizula ni chisa nu bwanaloli. Tukabwennya ubuchindamu bwache, ubuchindamu bubo akapokela ngati we Mwana mwene na mwene uwa Wise.

Yohani 7:46

Abasilikali bakamula bakati, “Nayumo umuntu yuyo anenitepo lumo ngati muntu uyu!”

Aba Hebeli 7:26

Chikaba chakulondiwa ukuti aswe tubanje nu muputi usongo yunuyu. Umuputi uyu muzelu, yuyo ate ni chilema nachimochimo, sona ate ni mbibi nayimoyimo. Umwene akakweziwa ukuchila ivintu vyosi ivya kumwanya.