Masalimo 45:14 - IBAYIBOLO 2024

¹⁴ Bakubuka nawe kwa mwene bo avwalite amenda aghakulabiwa, sona abamanyani bache abalindu bakumusindikila bo bakwiza nawe pamaso papako.

Masalimo 45:14 Iomraidhean Croise

Ukufuma 27:16

“Pamulyango uwa lupaso ubikepo umwenda umutonte uwakuzighila uwa buluu nu muchesamile, sona nu muchesamu, mubutali ghubanje amamita 9 ni mpanda folo sona nu bwikalilo folo ghugho ghulabiwe akiza nkani.

Ukufuma 28:39

“Umulukile u Aloni amalaya amantonte, sona umupangile impumpu iya mwenda umutonte nu lamba yuyo alabiwe akiza nkani.

Inyimbo izya Solomoni 2:7

Mwee bakolo aba mu Yelusalemu, lapila mwitabwa ilya mbabala, sona nilya mpombo ukuti, Mutakaluneng'ennyanje pamo ukulunyamusya ulughano, mupaka papo lwalondela ulwenecho.

Inyimbo izya Solomoni 6:1

Nkimba abukite kwiyi umughaniwa wako, yuyo wakuboneka akiza nkani ukubachila abakolo? Nkimba umughaniwa wako injiliye kwiyi, umwakuti tubukaye poka nawe pakumulondelezya?

Inyimbo izya Solomoni 6:13

Nyokela, nyokela, wee wamu Shulami, nyokela, kwisinda umwakuti tukwennyanje. Nkimba choni chicho mukumwenelezya umulindu uwamu Shulami, bo ali pakwimba pakasi pa tubukatila tubili utwa bimbi?

Inyimbo izya Solomoni 6:8

Napapo bangabapo abamwene abakolo 60, na bachi abazya 80, sona abalindu babo batabamenye abanavuli bangabapo abinji nkani.

Inyimbo izya Solomoni 8:13

Awe we ukwikala mumughunda, abamanyani bane bakulonda bivwanje izyu lyako, po nyitikizya ukuti nane bulo indyivweko izyu lyako.

Yohani 17:24

“Wee Tata, nkulonda ukuti abantu babo umpiye babanje nane kuko indi, umwakuti bangennya ubuchindamu bwane, bubo ukampa pakuti ukangana bo ni chisu chichili pakupeliwa.

2 Aba Kolinti 11:2

Indi nu buzuba namwe ukuyana namumo u Chala abeleye namwe nu buzuba. Pakuti nkabazingilila kwa Kilisitu ngati mulindu yuyo atamumenye nalumo umwanavuli.

Abalongi 5:30

‘Lumo bakugabana vivyo bafyula kubwite, umukolo weka pamo babili ukumupa umusilikali weka. Lumo bakumugabila u Sisela amenda amatonte, na menda aghakulabiwa akiza agha musingo yane ne mwene umukolo.’