Masalimo 45:12 - IBAYIBOLO 2024

¹² Abantu aba mu Tile, bakwiza ni vyabupi, sona abakabi nkani bakwiza pakulonda ukuti ubapelelaye ichisa.

Masalimo 45:12 Iomraidhean Croise

Masalimo 22:29

Abakabi bosi bakwiza pakuba nu lusekelo nukwiputa, Bosi babo bakusyiliwa mwipumpa bakwiza pakumufughamilila kokuti bosi babo batangisungilila bene pakuba bumi.

Masalimo 68:29

Pachifukwa icha Nyumba yako mu Yelusalemu, kulakula abamwene bakwiza pakukupa ivyabupi.

Masalimo 72:10

Abamwene aba mu Talishishi naba pa tusungo, bakwiza pakusonkela umusonko kukwache, sona abamwene aba mu Sheba naba mu Seba bakwiza pakwiza ni vyabupi.

Inyimbo izya Solomoni 2:14

Inkunda yane yivwamite mumpako izya mabwe, sona nu mwakuvwamamo mumaghamba. Leka nennyanje icheni chako, sona nivwanje izyu lyako. Pakuti izyu lyako lyiza nkani, sona chope ni cheni chako chikuboneka akiza.

Inyimbo izya Solomoni 7:11

Wee mughaniwa wane, twende tubukaye kuzi ukwa kaya, twende pakughona mutwaya pabusiku.

Yesaya 49:23

Abamwene bakwiza pakuba ngati bo baghuso, sona abamwene babo bakolo bakwiza pakuba boba nyoko. Bakwiza ukwinama pantazi papako bo vyeni vyabo vikotamiye pasi, bakwiza pakumyanta ulufumbi ulwa kunyayo zyinyu. Po mukwiza pakuzimanya ukuti ane ne Mwene, babo bakunsubila batakwiza pakukoziwa isoni.”

Yesaya 60:3

Inko zikwiza pakwiza kulokozyo lwako, na bamwene bakwiza pakwiza pakwennya, ukulama kwako ukwa pandabindabi.

Matayi 2:11

Bakinjila munyumba nukwennya umwana poka nu nyina u Maliya, bakafughama nukumwiputa. Bakafumya ivyabupi vyabo ivya golide, ni vyakununkila ivya lubani, sona na mafuta agha mila nukumupa umwana.