Masalimo 45:10 - IBAYIBOLO 2024

¹⁰ Wee mulindu teghelezya! Ivwa amazyu nukughinong'onela, sona ubaluvye abakamu bako na bamunyumba iya ghuso.

Masalimo 45:10 Iomraidhean Croise

Ubwandilo 12:1

U Mwene akamubuzya u Abulamu akati, “Fumamo muchisu chako. Ubaleke abakamu bako, nakaya aka ghuso, nukubuka kuchisu chicho nkwiza pakukulanjizya.

Ubwandilo 2:24

Pachifukwa chinichi, umwanavuli akwiza pakumuleka uwise nu nyina nukumamatilana nu muchi wache, sona abantu babili aba bakwiza pakuba mubili ghoka.

1 Abamwene 9:28

Bakabuka ku Ofili pakumusendela u mwene u Solomoni amakilogalamu 14,000 agha golide.

Ukubelengiwa 10:30

Loli u Hobabu akamula akati, “Awe, ntakubukako, loli nkunyokela kuchisu chane, kuko kuli abakamu bane.”

Matayi 10:37

“Umuntu wesi yuyo amughanite nkani uwise pamo unyina ukunchila, atabaghiye pakuba mumanyili wane; umuntu wesi yuyo amughanite nkani umwana umulumendo pamo umulindu ukunchila, atabaghiye pakuba mumanyili wane.

Matayi 19:29

Sona umuntu wesi yuyo ayilekite inyumba pamo abawamwabo, pamo abayemba, pamo uwise pamo unyina, pamo abana, pamo amaghunda, pachifukwa icha nene, akwiza pakupokela ivintu ivyinji ukuchilapo 100, sona akwiza pakupokela ubumi ubwa bwila na bwila.

Luka 14:26

“Umuntu wesi yuyo akwiza kukwane atangaba mumanyili wane, pene papo nanti anganite nkani ukuchila uwise nu nyina, umuchi na bana bache, abawamwabo na bayemba bache, sona na yuyo mwene.

2 Aba Kolinti 5:16

Polelo ukwandila akabalilo aka, tutakumulonga nayumo umuntu ukuyana ni nyinong'ono izya buntu. Napapo pakabalilo kamo tukamulonga u Kilisitu ukuyana ni nyinong'ono izya buntu, tutakubombapo nalumolumo bunubu.

2 Aba Kolinti 6:17

Polelo u Mwene akuti, “Fumako kukwabo sona mwipaghule. Mutakapalamasyanje nachimo ichintu chicho chinyazu, po nkwiza pakubapokela.

Ukukumbusya Amalamulo 21:13

Avule amenda ghache ghagho akavwala pakabalilo kako ukamulemela. Po ikale munyumba yako, sona amulile uwise nu nyina umwezi ghosi. Pisinda pache angaba muchi wako.

Ukukumbusya Amalamulo 33:9

U Levi akaghivwila amazyu ghako, nukulusunga ulufingo lwako. Akaba musubiliwa nkani kukwako, ukumuchila uwise nu nyina, na bawamwabo, sona na bana bache.