Masalimo 45:1 - IBAYIBOLO 2024

¹ Umoyo wane wizuye ni pangwi ilyiza, bo indi pakumwimbila u mwene ulwimbo lwane. Ululimi lwane luli ngati chakusimbila icha musimbi yuyo amenye nkani pakusimba.

Masalimo 45:1 Iomraidhean Croise

2 Samuweli 23:2

“Umuzimu uwa Mwene akanenela mumwane, amazyu ghache ghakaba mumulomo wane.

Ezila 7:6

U Ezila yunuyu akanda ubulendo bwache mu Babiloni sona akaba mumanyisi pakuti akamanya nkani Indaghilo izya Mozesi, zizyo u Mwene u Chala uwa Izilayeli akamupa. U mwene akamupa ivintu vyosi vivyo akavilondagha, pakuti u Mwene u Chala wache akaba nawe.

Yobu 33:3

Amazyu ghane ghakufuma mumoyo umugholosu; imilomo yane yikunena ubwanaloli bubo imbumenye.

Yobu 34:4

Leka twisalile twebene chicho chigholosu; leka tumanyilaye poka chicho chiza.

Masalimo 2:6

Akutinji, “Namwimika u mwene wane mu Ziyoni, lilyo lighamba lyane izelu.”

Masalimo 42:1

Ngati mumo imbabala yikusambila utusoko utwa mizi, wee Chala wane nane bulo nkukusamba.

Masalimo 49:3

Umulomo wane ghukwiza pakunena amazyu aghamahala, sona inyinong'ono zyane zikwiza pakubamanyisya akivwisizye aka vintu.

Masalimo 69:1

Wee Chala, mpoka, pakuti amizi ghafika musingo.

Masalimo 80:1

Wee mudimi uwa Izilayeli, tegha ikutu, wewe akumulongozya u Yosefu ngati mudimo uwa ng'ozi, we ukwikala pachitengo icha bumwene pakasi pa bakelubi. Ubalamilaye

Ivyili 16:23

Umuntu uwamahala akuchebagha na kanenele kache, sona akanenele kache kakufumusyanga ivintu ivya mahala.

Inyimbo izya Solomoni 1:12

Bo u mwene alambalaye pachitengo chache, umunusi uwa mafuta ghane ghukamudepuzya.

Yesaya 5:1

Teghelezya bo nkukwimbila ulwimbo ulu, ulwimbo ulwa mumanyani wane nu mughunda wache uwa mampesya, Umumanyani wane akaba nu mughunda uwa mampesya, ghugho ghukaba pighamba lilyo likaba ni tope ilya muvundo.

Matayi 12:35

Umuntu umwiza akunena ivintu ivyiza vivyo asungite mumoyo wache, wepe umuntu umubibi akunena ivintu ivibibi vivyo asungite mumoyo wache.

Matayi 25:34

Po u Mwene akwiza pakubabuzya abantu aba kunyobe indilo ukuti, ‘Zagha kuno, mwe basayiwa nu Tata wane! Zagha mupokele ubumwene bubo buyaniziwe pakuba bwinyu ukwandila pakabalilo kako akapelelagha ichisu ichapasi.

Matayi 27:37

Pamwanya pamutu wache pakasimbiwapo ichimanyilo icha nongwa yiyo bakamughoghela ukuti, “Uyu we Yesu u Mwene uwa ba Yuda.”

Aba Efeso 5:32

Amazyu ghanagha ghakutuvumbulila izya kubusyefu zizyo zikunena nizya Kilisitu ni chipanga.

2 Pitala 1:21

Pakuti butalipo ubulaghuzi nabumobumo bubo bukiza nu bwighane ubwa muntu. Loli abantu bakalaghula ukwendela mwa Muzimu Umuzelu amazyu agha Chala.