Masalimo 44:9 - IBAYIBOLO 2024

⁹ Loli ilelo utupiye inkonto nukutukozya isoni, sona utakabuka poka na basilikali bitu pakulwa ubwite.

Masalimo 44:9 Iomraidhean Croise

Masalimo 108:11

Wee Chala, nkimba te wewe we ukatupa inkonto, nukukana pakubuka poka na basilikali bitu?

Masalimo 43:2

Pakuti awe we Chala yuyo we mpanda yane. Nkimba choni chicho wandeka nemwene? Nkimba choni chicho indilaye bo abalwani bane bakunjivya?

Masalimo 60:1

Wee Chala watuleka twebene, watunnyampannya sona watukalalila, polelo utunyosezye mumo tukabela.

Masalimo 60:10

Wee Chala, nkimba utatulekite twebene, umwakuti utakubuka poka na basilikali bitu?

Masalimo 74:1

Wee Chala, nkimba choni chicho watuleka twebene bwila na bwila? Nkimba ubukali bwako bukwaka ngati moto pa ng'ozi zyako?

Masalimo 88:14

Wee Mwene, nkimba choni chicho wantagha bunubu nukumpa inkonto?

Yelemiya 9:23

U Mwene akuti, “Uwamahala atakituvyanje chifukwa icha mahala ghache pamo uwamaka atakituvyanje pachifukwa icha maka ghache, pamo umukabi atakituvyanje pachifukwa icha bukabi bwache.

Yelemiya 9:24

Wesi yuyo akulonda ukwituvya, ituvikizyanje muchintu ichakuti, ammenye sona akunyivwisya, ukuti ane ne Mwene uwachisa, uwanaloli, sona umugholosu pachisu ichapasi, pakuti nkuhoboka na zinizi. Ane ne Mwene nanena.