Masalimo 44:7 - IBAYIBOLO 2024

⁷ Loli watupoka kubalwani bitu, sona ukabakozya isoni abakutubenga bosi.

Masalimo 44:7 Iomraidhean Croise

2 Samuweli 7:10

Nkwiza pakubapa ubuzilo abantu bane aba Izilayeli, sona nkwiza pakubikazya, umwakuti babanje nakaya akabo na kabo, nukubazighilila kubalwani babo. Abantu ababibi batakwiza pakubayivya sona, ngati mumo bakabombelagha pakwanda pala,

Masalimo 132:18

Nkwiza pakubavwika isoni abalwani bache, Loli impumpu yache yinyezimilaye.”

Masalimo 136:24

Po akatupoka kubalwani bitu. Ulughano lwache lwa bwila na bwila.

Masalimo 140:7

Wee Mwene Uwamaka Ghosi, Umupoki wane uwamaka, we ukumpoka pakabalilo aka bwite.

Masalimo 144:10

Pakuti ukubavwa abamwene pakupota, sona ukumpoka ne mubombi wako u Devedi kubufwe ubwa panga.

Masalimo 40:14

Bosi babo bakulonda pakubwefya ubumi bwane, bakoziwanje isoni nukuvulungana. Bosi babo bakulonda pakubupelela intamyo ubumi bwane, banyokelaye kwisinda nukukoziwa isoni.

Masalimo 53:5

Kulakula bakwiza pakuba nubogha ubukulu nkani, ubogha bubo batabwenizyepo nalumo. U Chala akwiza pakughanyampannya amafupa agha bantu babo bakumubombela ububibi, mubakozyanje isoni pachifukwa ichakuti u Chala abakanite.

Hoseya 1:7

Loli nkwiza pakuba nichililizi na banyumba iya Yuda, sona nkwiza pakubapoka. Ntakwiza pakubombezya ubwele, nupanga pamo ubwite, pamo ifalasi, na bantu abakukwela pafalasi izya bwite. Loli nkwiza pakubapoka na maka agha Mwene u Chala wabo.”

Yoshwa 1:5

Atalipo nayumoyumo yuyo akwiza pakukupota mubumi bwako bosi. Ane nkwiza pakuba nawe akabalilo kosi ukuyana namumo nkabela nu Mozesi. Ntakwiza pakukukana nalumo pamo pakukuleka wemwene.

Yoshwa 10:42

U Yoshwa akabapota abamwene banaba poka ni vyisu vyabo pakabalilo koka, pachifukwa ichakuti u Mwene u Chala uwa ba Izilayeli akabalwilagha ubwite aba Izilayeli.

Yoshwa 11:6

U Mwene akamubuzya u Yoshwa akati, “Utakabanyilaye, pachifukwa ichakuti pakabalilo kanaka indabi nkwiza pakubabika bosi munyobe izya ba Izilayeli ukuti babaghoghe. Muzidumule inkole izya vinama ifalasi zyabo, sona zyope ingolo zyabo muzyoche.”

Abalongi 2:18

Akabalilo kosi nanti u Mwene akubimikila umulongozi, u Mwene akaba nawe nukubapoka munyobe izya balwani babo, bo umulongozi yula mumi. U Mwene akaba nabo ni chililizi, bo bakukoloma pachifukwa icha bantu babo bakabavwimagha nukubayivya.

1 Samuweli 17:47

Abantu bosi babo babungana pano bakwiza pakuzimanya ukuti u Mwene atakumupoka umuntu pakubombezya upanga pamo impalala. Pakuti u Mwene weyuyo akulwa ubwite, sona akwiza pakubabika mwebosi munyobe zyitu.”