Masalimo 44:2 - IBAYIBOLO 2024

² Ukabachimbizya abantu aba inko izinji, nukubikazya abanyenya bitu mulamula. Ukabayivya abantu aba uluko ulunji, nukubitikizya abanyenya bitu ukuti ivintu vibendelaye akiza.

Masalimo 44:2 Iomraidhean Croise

2 Samuweli 23:12

Loli u Shama akima pakasikasi pa mughunda. Akaghuzighilila nukubaghogha aba Filisiti, pachifukwa ichakuti u Mwene akamupa ubupoti ubukulu nkani.

2 Samuweli 7:10

Nkwiza pakubapa ubuzilo abantu bane aba Izilayeli, sona nkwiza pakubikazya, umwakuti babanje nakaya akabo na kabo, nukubazighilila kubalwani babo. Abantu ababibi batakwiza pakubayivya sona, ngati mumo bakabombelagha pakwanda pala,

Masalimo 105:44

Akabapa ichisu icha bantu aba inko izinji, po bakachisenda pakuba mpyana yabo, ichisu chicho abantu abanji bakayimbilapo.

Masalimo 78:55

Akazichimbizya inko izinji pamaso papache. Akabapa sona ichisu pakuba mpyana yabo, po akabapa utwaya abaluko ulwa Izilayeli utwakwikalamo.

Ukufuma 10:2

Po mukwiza pakubabuzya abana binyu, sona na bizukulu binyu nizya mumo nkabapunganizizya aba Ijiputi ni viswigho vivyo nkapela. Bunubu mwebosi mukwiza pakummanya ane ukuti ne Mwene.”

Ukufuma 15:17

Ukubinjizya nukubikazya pighamba lyako, ubuzilo bubo awe we Mwene ubusalite pakuba buzilo bwako, Ubuzilo Ubuzelu bubo awe ukabuzenga.

Ukufuma 15:19

Bo ifalasi izya Falabo, ni ngolo izya bwite, sona na bendezya ngolo badwiba munyanja, u Mwene akayinyosezya inyanja mubuzilo bwache. Loli aba Izilayeli bakaloboka inyanja pachisu ichumizu.

Ukufuma 23:28

Nkwiza pakutuma amavwivwi pakubachimbizyamo aba Hivi naba Kenan, naba Hiti muzila yinyu.

Ukufuma 34:11

“Mukonkaye amalamulo ghagho nkubapa ilelo. Nkwiza pakubachimbizya pantazi papinyu aba Amoli naba Kenani naba Hiti naba Pelezi naba Hivi sona naba Yebusi.

Yesaya 51:9

Vundumuka, vundumuka! Mujimbaye, Wee nyobe iya Mwene, vundumuka ngati mumo ukabombelagha, mumasiku ghagho ghachilapo pakabalilo aka nkulilo iya kale. Nkimba utakaba wewe ukamudumulannya u Lahabu muvipuza, nukuyilasa injoka yila?

Yelemiya 32:23

Bakinjila nukuchifyula ichisu chila loli batakakwivwila pamo ukukonka indaghilo zyako, batakabomba zizyo ukabalamula ukuti babombaye. Po ukabawisizya intamyo zyosi zinizi.

Ukubelengiwa 13:32

Polelo abantu bala bakasasya ipangwi ilyabumyasi pakasi paba Izilayeli nizya chisu chicho bakatendela. Bakati, “Ichisu chicho tukatendela chikubamila abantu babo bakwikalamo. Abantu bosi babo tukabennya kulakula batalibatali bene.

Ukukumbusya Amalamulo 32:7

Mughakumbuke amasiku aghakale nkani, mwinong'one nizya nkulilo izyakale nkani. Mubalalusye abapapi binyu, bakwiza pakubabuzya. Mubalalusye abaghosi, bakwiza pakubalingannya.

Ukukumbusya Amalamulo 4:38

Akazichimbizya inko inkulu izyamaka ukubachila amwe pamaso papinyu, umwakuti abinjizye amwe nukubapa ichisu chabo ukuti chibanje mpyana yinyu, ukuyana namumo chibeleye ilelo.

Ukukumbusya Amalamulo 7:1

Bo u Mwene u Chala winyu akubafisya muchisu chicho mukwiza pakwikalamo, sona nanti abachimbizyamo aba Hiti naba Giligashi naba Amoli naba Kenani naba Pelezi naba Hivi sona naba Yebusi, inko zizyo zyamaka akaseveni ukubachila amwe,

Yoshwa 10:11

Bo bakubachimbila aba Izilayeli ukwika pighamba ilya Beti Holoni mupaka ku Azeka, u Mwene akabawisizya ivula iya mabwe amakulu nkani, umwakuti abantu abinji nkani bakafwa ni vula iya mabwe yila, ukubachila babo bakaghoghiwa naba Izilayeli.

Yoshwa 10:42

U Yoshwa akabapota abamwene banaba poka ni vyisu vyabo pakabalilo koka, pachifukwa ichakuti u Mwene u Chala uwa ba Izilayeli akabalwilagha ubwite aba Izilayeli.

Yoshwa 11:23

Po bunubu u Yoshwa akachifyula ichisu chosi chila, ukuyana namumo u Mwene akamulamulila u Mozesi nukubapa aba Izilayeli ukuti yibanje mpyana iyabo ni yabo, ukuyana nuluko lwabo. Po pabumalilo abantu bakatuzya pakulwa ubwite.

Yoshwa 21:43

U Mwene akabapa aba Izilayeli ichisu chosi, chicho akabalayizizya abanyenya babo. Po bakachifyula nukwikalana mulamula.

Yoshwa 24:12

Nkabatumila amavwivwi ghagho ghakabaluma pamaso papinyu. Nkabachimbizya sona abamwene babili aba ba Amoli. Amwe mutakabombezyapo upanga pamo ubwele.

Yoshwa 3:10

Bunubu mukwiza pakuzyaghannya ukuti u Chala umumi ali pakasi papinyu sona nukuti naloli akwiza pakubachimbizya pamaso papinyu abalwani binyu aba Kenani naba Hiti naba Hivi naba Pelezi naba Giligashi naba Amoli sona naba Yebusi.

Abalongi 6:13

U Gidiyoni akamula akati, “Wee mwene wane, loli nanti u Mwene ali naswe, nkimba choni chicho ivintu vyosi vinivi vyatuwila? Nkimba vili ko kwiyi iviswigho vyosi vivyo abanyenya bitu bakatubuzya bo bakuti, ‘Nkimba te wewe Mwene we ukatwefyamo mu Ijiputi?’ Loli ilelo u Mwene atulekite nukutubika munyobe izya ba Midiyani.”