Masalimo 44:19 - IBAYIBOLO 2024

¹⁹ Loli ukatubika muntamyo, nukutupela pakuba nkolongo sona watuvwinka ni chisi ichakoghofya nkani icha bufwe.

Masalimo 44:19 Iomraidhean Croise

Yobu 23:11

Inyayo zyane zikukanya munyayo zyache, sona intakupaghukila kundilo pamo kumongo.

Yobu 3:5

Ichisi ichakoghofya nu muzyezye vilikupukilaye sona ibingu lilivwinkaye, chope ichisi chilumilaye ulukozyo lwache.

Yobu 30:29

Ane naba ne mukamu uwa bakambwe, po sona naba ne mumanyani uwa masisimusi.

Masalimo 23:4

Napapo nkwenda mwikombe ilya chisi icha bufwe, ntakwiza pakunyila ichintu ichibibi nachimochimo, pakuti uli nane. Intughu ni ndisa yako vikunsangalusya.

Masalimo 38:8

Naghanda nukudedebala, nkukoloma pachifukwa icha bubavu ubwa mumoyo wane.

Masalimo 51:8

Unyizuzyanje nukuhoboka nu lusekelo, amafupa ghane ghagho ukaghatizannya ghasekelaye.

Yesaya 27:1

Pisiku lilalila, u Mwene akwiza pakubombezya upanga wache, yuyo wakoghofya nu mukulu nkani sona wamaka, pakuyifunda inyivwila sona yikwinnyenga po akwiza pakuchighogha ichinyamana chila icha munyanja.

Yesaya 35:7

Umusesenga uwa kocha ghukwiza pakuba chiziba, po ichisu ichumizu chikwiza pakuba ni mbwibwi. Mubuzilo ubwa bakambwe, mukwiza pakumela isote ni ntete.

Yelemiya 14:17

Ubabuzye amazyu agha uti, ‘Amaso ghane ghakwiza pakwizula na masozi, pabusiku na pamusanya umwakusita kulekapo, pakuti abantu bane abasaliwa bavulaziwa nkani, sona bali ni vilonda.

Ezekiyeli 29:3

Umubuzye ukuti, ‘U Mwene Uwamaka Ghosi akuti: Nkukususya awe we Falabo, u mwene uwamu Ijiputi, awe we nyivwila inkulu, yiyo yikughona pakasi patusoko. Ukuti, “Ulusoko ulwa Nayilo lwane, nkipangila ne mwene.”

Matayi 4:16

Abantu babo bakwikala muchisi, bennya ulukozyo ulukulu; Abantu babo bakwikala muchisu icha bantu abafwe, ulukozyo lwabalamila.”

Ubuvumbuli 12:9

Inyivwila inkulu yikasumbiwa pachisu ichapasi—injoka iyakale yila, yiyo yikitiziwanga ukuti Mubibi pamo Satana, yuyo akachizimbula ichisu chosi ichapasi. Akasumbiwa pasi poka na bantumi bache.

Ubuvumbuli 13:2

Ichinyamana chila chikabonekagha ngati we zyela, sona inyayo zyache zikabonekagha ngati zyo nyayo izya labwe. Umulomo wache ghukabonekagha ngati gho mulomo uwa nkalamu. Inyivwila yikachipa ichinyamana chila amaka ghache, ni chitengo chache icha bumwene, sona nu bulaghili ubukulu nkani.

Ubuvumbuli 16:10

Uwantumi uwafayivi akakupulila vivyo vikaba mulubako lwache pachitengo icha bumwene icha chinyamana. Ichisi chikawila pabumwene ubwa chinyamana chila, po abantu bakilumannya indimi zyabo pachifukwa icha bubavu.