Masalimo 44:14 - IBAYIBOLO 2024

¹⁴ Ukatupela pakuba chintu ichakusekezya pakasi pabantu aba inko izinji, sona uluko ulwa bantu lukupukuzya imitu yabo nanti bakutwennya.

Masalimo 44:14 Iomraidhean Croise

1 Abamwene 9:7

po nkwiza pakubefyamo aba Izilayeli muchisu chicho nabapiye. Nkwiza pakuyikana Inyumba yiyo nayipaghula ukuti nchindikiliwanjemo. Aba Izilayeli bakwiza pakuba kapangwi bulo sona ni chakusekiwa pakasi pabantu bosi.

2 Abamwene 19:21

Agha gho mazyu ghagho u Mwene akamubuzya umwakumususyannya nawe akati, ‘Abantu aba mu Ziyoni, bakukusamula nukukobezya awe. Abantu aba mu Yelusalemu bakupukunnya imutu yabo bo ukuchimbila.

2 Imbili 7:20

po nkwiza pakubanyunkulamo aba Izilayeli muchisu chane chicho nabapiye. Nkwiza pakuyikana Inyumba yiyo nayipaghula ukuti inchindikiliwanjemo. Nkwiza pakuyipela pakuba kapangwi bulo sona ni chakusekiwa pakasi pabantu bosi.

Nehemiya 2:17

Po nkababuzya nkati, “Amwe mukuzyennya intamyo zizyo tukukomana nazyo. Akaya akakulu nkani aka Yelusalemu kaba chisami sona imilyango yache yochiwa. Zagha tuzenge sona ulupaso ulwa kaya akakulu nkani aka Yelusalemu, po tutangakoziwa sona isoni.”

Yobu 16:4

Nane bulo ngali nanenagha ngati mwemwe nanti mukabanga ngati mumo imbeleye. Ngali nanenagha akiza nkani umwakususannya namwe nukubapukunizizya umutu.

Yobu 17:6

U Chala ampela pakuba ngati ne chakubasesya abantu, umuntu yuyo abantu bosi bakumufwinila amati kumaso.

Masalimo 109:25

Ne chintu ichakobezya ku bantu babo bakunsusya, bo banyennya abantu banaba bakupukunnya imitu yabo.

Masalimo 123:3

Wee Mwene, ubanje naswe ni chisa, sona utupelelaye ichisa, pakuti twasamuliwa nkani akabalilo akatali.

Masalimo 22:7

Bosi babo bakunyennya bakunyobezya, sona bakusumba intuko papane nukupukunnya imitu yabo.

Masalimo 79:4

Twaba twe chintu ichakusekesya pakasi pa bapalamani bitu, sona abantu babo batuzyunguliye bakutuseka nukutobezya.

Yesaya 37:22

agha gho mazyu ghagho u Mwene akamubuzya umwakususannya nawe akati, Abantu aba mu Ziyoni, bakukusamula nukukobezya. Abantu aba mu Yelusalemu bakupukunnya imutu yabo bo ukuchimbila.

Yelemiya 24:9

Nkwiza pakubapela pakuba chintu ichakoghofya muvyisu vyosi ivya pasi, ichintu ichakusamuliwa, ichintu chicho chite nimbombo nayimoyimo, ichintu ichakusekiwa nicha kughuniwa kosi kuko nkubachimbizizyako.

Mika 6:16

Pakuti mwayikonka inkalo iya Omuli ni mbombo nakikalile aka mbumba iya Ahabu sona nukuti mwazikonka inyiho zyabo. Polelo nkwiza pakubanangannya, abantu binyu bakwiza pakubatuka, mukwiza pakusamuliwa na bantu aba inko zyosi.”

Ukukumbusya Amalamulo 28:37

Abantu aba inko zyosi zizyo u Mwene akwiza pakubanyampanikizyako bakwiza pakuba nubogha. Bakwiza pakubaseka nukubobezya.