Masalimo 44:11 - IBAYIBOLO 2024

¹¹ Ukitikizya ukuti tubanje ngati po twe ng'ozi yiyo bakubuka nayo pakuyibola, sona ukatunyampannya pakasi pabantu aba inko izinji.

Masalimo 44:11 Iomraidhean Croise

2 Abamwene 17:6

ghugho ghukaba mwaka uwa nayini bo u mwene Hosheya akulaghila, u mwene uwamu Asiliya akakafyula akaya akakulu nkani aka Samaliya. Akabalema aba Izilayeli nukubuka nabo ku Asiliya pakuba bakayidi nukubikazya mukaya akakulu nkani aka Hala, muchigaba icha Gozani mulubazu ulwa lusoko ulwa Haboli, sona na mutwaya utukulu nkani utwa ba Mediya.

Masalimo 106:27

sona nukubanyampannya abaluko lwabo pakasi pabantu aba inko izinji, nukubasasya muvyisu ivyakulekanalekana.

Masalimo 14:4

Fwandi ababomba imbibi bate na mahala? Bo babo bakubalya abantu bane ngati po bakulya chibama, sona bo babo batakumwiputa u Mwene.

Masalimo 60:1

Wee Chala watuleka twebene, watunnyampannya sona watukalalila, polelo utunyosezye mumo tukabela.

Yelemiya 12:3

Loli pope bulo awe wee Mwene ummenye nkani, Ukunyennya nukuzipima nyinong'ono zyane namumo nkughaniye. Ubawesele kubutali abantu ababibi banaba ngati yo ng'ozi yiyo yikwiza pakughoghiwa. Ubapaghule ukuti balindililaye isiku ilya kughogheliwa.

Yelemiya 32:37

Nkwiza pakubabungannya ukufumila mutwaya tosi tuto nkabachimbizizyamo bo nkalaye nkani. Nkwiza pakubanyosezya ku buzilo bunubu sona nkwiza pakubapela pakwikalagha kunuku umwakufwasa.

Ezekiyeli 34:12

Ngati mumo umudimi akuzilondelezezya ing'ozi zizyo zyanyampana, momumo nane nkwiza pakubombela. Nkwiza pakuzipoka kubuzilo bosi bubo zinyampanikiyeko pisiku ilya mabingu nilya chisi.

Luka 21:24

Bamo bakwiza pakughoghiwa kubwite, abanji bakwiza pakusendiwa ngati bo bakayidi pakubuka nabo muvyisu ivinji. Po abantu babo bate ba Yuda bakwiza pakumukanyankila u Yelusalemu mupaka akabalilo akabumalilo bwabo kakwane.

Aba Loma 8:36

Pakuti Amasimbo ghakuti, “Pachifukwa icha wewe, tukukomana nu bufwe isiku lyosi. Tuli ngati zyo ng'ozi zizyo zikubuka pakuboliwa.”

Ukukumbusya Amalamulo 28:64

Pisinda pache u Mwene akwiza pakubanyampanikizya pakasi pa inko zyosi, ukwandila ko kumpaka iya chisu ichapasi mupaka iyinji. Kulakula mukwiza pakubiputa abachala abanji, babo bapangiwe na makwi, sona na mabwe, abachala babo amwe pamo abanyenya binyu mutabamenyepo nalumo.

Ukukumbusya Amalamulo 4:27

U Mwene akwiza pakubanyampanikizya pakasi pabantu aba inko izinji, sona abantu banandi bulo pakasi papinyu, bo babo bakwiza pakupona.

Abalongi 2:14

Po u Mwene akabakalalila aba Izilayeli nukubabika munyobe izya mavyondongo, ghagho ghakafyula ivintu vyabo. Akababika munyobe izya balwani bosi babo bakabazyungulila, umwakuti batakipoka bene.