Masalimo 44:1 - IBAYIBOLO 2024

¹ Wee Chala, na makutu ghitu tukivwa, sona abanyenya bitu batubuzizye, vivyo ukabomba pakabalilo kabo.

Masalimo 44:1 Iomraidhean Croise

Masalimo 22:31

Bakwiza pakulumbililagha nizya bugholosu bwache, ku bantu babo bachili batapapiwe, bakwiza pakwivwa zyosi zizyo abomba.

Masalimo 42:1

Ngati mumo imbabala yikusambila utusoko utwa mizi, wee Chala wane nane bulo nkukusamba.

Masalimo 71:18

Wee Chala, napapo ne mughosi sona ivwi zyawa, utakandekaye nemwene. Po nkwiza pakulumbilila nizyamaka ghako mupaka inkulilo iya muntazi, sona nizyamaka ghako ku bosi babo bakwiza pakupapiwa muntazi.

Masalimo 77:5

Nkinong'ona nizya masiku aghakale, nizyamaka ghagho ghendapo.

Yesaya 38:19

Abumi, bo babo bakukupala awe, ngati mumo nkubombela ilelo, abatata bakubabuzya abana babo, nizya busubiliwa bwako.

Yoweli 1:3

Mubabuzye chinichi abana binyu, bope abana binyu bababuzyanje abana babo, sona bope abana babo bababuzyanje abana babo, mupaka inkulilo iya muntazi.

Ukukumbusya Amalamulo 6:20

Muntazi, abana binyu bakwiza pakubalalusya ukuti, “Nkimba choni chicho u Mwene u Chala witu akatulamula ukuti tuzikonkaye indaghilo na malamulo ghache ghanagha?”

Abalongi 6:13

U Gidiyoni akamula akati, “Wee mwene wane, loli nanti u Mwene ali naswe, nkimba choni chicho ivintu vyosi vinivi vyatuwila? Nkimba vili ko kwiyi iviswigho vyosi vivyo abanyenya bitu bakatubuzya bo bakuti, ‘Nkimba te wewe Mwene we ukatwefyamo mu Ijiputi?’ Loli ilelo u Mwene atulekite nukutubika munyobe izya ba Midiyani.”