Masalimo 43:4 - IBAYIBOLO 2024

⁴ Po nkwiza pakubuka pachighemo icha Chala, yuyo akumpanga ubuhobosu nukusekela. Po nkwiza pakulizya ichinanda pakukupala we Chala wane.

Masalimo 43:4 Iomraidhean Croise

2 Samuweli 6:5

U Devedi poka naba Izilayeli bosi bakasekelagha na maka ghabo ghosi pamaso pa Mwene, bo bakwimba inyimbo nukulizya ivinanda ni vivisekeseke na malongi ni ngwaya sona na mapango.

Masalimo 26:6

Nkusukusula munyobe zyane ukulanjizya ukuti intanangitepo, loli nkukuchindika pakwenda umwakuzyungulila pachighemo chako.

Masalimo 33:2

Mumupalaye u Mwene ni chinanda, mumwimbilaye na mapango agha mpote izya chela 10.

Masalimo 42:6

Umoyo wane ghukutamiwa, polelo nkwiza pakukukumbuka, bo indi muchisu icha Yolodani, sona bo indi pighamba ilya Helimoni nilya Mizali.

Masalimo 57:8

Wee moyo wane, nyamuka! Wee chinanda ni pango lyane lilagha, nkwiza pakulinyamusya izuba ni nyimbo zyane.

Masalimo 57:9

Wee Mwene nkwiza pakupalizya pakasi pabantu aba inko izinji, sona nkwiza pakukwimbila inyimbo pakasi pa inko zyosi.

Masalimo 63:2

Nkulonda nkani pakukwennya mubuzilo bwako ubuzelu, unyitikizye ukuti nennyanje amaka ghako, sona nu buchindamu bwako.

Masalimo 81:2

Imbagha inyimbo pakulizya ivisekeseke, lizya ivinanda na mapango vivyo vikulila akiza nkani.

Yesaya 61:10

Nkuhoboka nkani mwa Mwene, umuzimu wane ghukusekela mwa Chala wane. Pakuti anvwikite namenda agha bupoki, sona anvwika ubugholosu ngati nkazo, ngati we mwenesendwa, yuyo iyanizye namenda agha pasendwa, sona ngati mumo u mwenesendwa, akwiyannya nivyakwibonesekezya akiza ivya musingo.

Zekaliya 13:9

Ichigaba ichabutatu nkwiza pakuchisumbila mumoto. Nkwiza pakubaswefya ngati we siliva, sona nukubayela ngati we golide. Bakwiza pakulyiputa itabwa lyane, nkwiza pakubamula po nkwiza pakunena ukuti, ‘Bantu bane.’ Abene bakwiza pakwamula ukuti, ‘U Mwene we Chala witu.’ ”

Aba Loma 5:11

Loli ukuchilapo pazinizi, tukusekela pachifukwa icha zizyo u Chala abomba ukwendela mwa Mwene witu u Yesu Kilisitu, yuyo ilelo atusayannya aswe nu Chala.

Ubuvumbuli 5:8

Bo apokela ibuku lila, ivipeliwa ivyabumi folo vila na basongo 24 bala bakawa pasi pamaso pa Mwana uwa ng'ozi. Wesi akalema ipango, ni mbako izya golide zyizuye nu twakufukizya utwakununkila, zizyo nyiputo izya bantu abazelu aba Chala.