Masalimo 42:8 - IBAYIBOLO 2024

⁸ Loli u Mwene akungana nu lughano lwache isiku ni siku, cho chifukwa pabusiku nkwimba ulwimbo nukumwiputa u Chala yuyo ampiye ubumi.

Masalimo 42:8 Iomraidhean Croise

2 Samuweli 22:5

“Amayigha agha bufwe ghakanzyungulila, sona isoko izyakwizula zikanyibizya.

Yobu 35:10

Loli atalipo nayumo yuyo akutinji, ‘Nkimba ali ko kwiyi u Chala Umupeli wane, yuyo akutupa inyimbo pabusiku?

Masalimo 124:4

ngali amizi aghakwizula ghatubukizya, sona ngali amizi ghatudwibizya,

Masalimo 133:3

Chili ngati nganda iya mu Helimoni, yikuwila pighamba ilya Ziyoni. Pakuti kulakula u Mwene akabikako ulusayo lwache, mupaka ubumi ubwa bwila na bwila.

Masalimo 149:5

Abantu abasubiliwa basekelaye pachifukwa icha buchindamu bwache, sona bimbaye umwakuhoboka nu lusekelo bo balambalaye pavitala vyabo.

Masalimo 16:7

Nkumupala u Mwene pakuti weyuyo akumanyisya amahala, umabyebye wane akunsokagha na pabusiku bulo.

Masalimo 27:1

U Mwene we lukozyo lwane sona we bupoki bwane, po intangamunyila nayumoyumo umuntu. U Mwene we lilinga ilya bumi bwane, po ntakwiza pakutetema nalumo.

Masalimo 32:7

Awe we buzilo bwane ubwakuvwamamo. Ukwiza pakumpoka muntamyo, sona nukunzyungulila ninyimbo izyakubupala ubupoki bwako.

Masalimo 44:4

Wee mwene wane wee Chala, yuyo ukamupa u Yakobo ubupoti.

Masalimo 57:3

Akutuma ubwavwilizi bwache kumwanya nukumpoka, po akwiza pakubakozya isoni babo bakanjivya. U Chala akwiza pakungana pachifukwa ichakuti musubiliwa.

Masalimo 63:6

Nkukukumbuka bo indambalaye pachitala chane, sona ubusiku bosi ukuba munyinong'ono zyane.

Masalimo 77:6

Nkazikumbuka inyimbo zyane zizyo nkimbagha pabusiku, nkilalusya nukwibuzikizya nkani mumoyo wane ukuti:

Masalimo 88:8

Wabapela abamanyani bane ukuti banchimbile. Po wampela ane pakuba ne chintu ichakoghofya kubabo. Ane nighaliliwe umwakuti intakachimbile

Yesaya 30:29

Loli amwe mwe bantu aba Chala, mukwiza pakwimba inyimbo, ngati mumo bakubombela pabusiku, palusekelo ulupaghuliwa, amoyo ghinyu ghakwiza pakusekela, bo abantu bakubuka kwighamba ilya Mwene, na malonji kwi lyalabwe ilya Izilayeli.

Aba Levi 25:21

Ane nkwiza pakubasaya ni vyakulya ivyinji nkani mumwaka uwasikisi, umwakuti ichakulya chibanje chakubakwana amaka matatu.

Yona 2:4

Po nkati, ‘Wee Mwene nataghiwa nukwepapo papako, sona ntakwiza pakuyennya Inyumba yako izelu?’

Matayi 8:8

Usongo uwa basilikali 100 yula akamula akati, “Awe, Mwene, utabaghiye pakwinjila munyumba yane. Loli nena bulo izyu, uwambombo wane akwiza pakupola.

Imbombo 16:25

Pakasi pabusiku u Pabuli nu Sila bakiputagha nukwimba inyimbo izya Chala, po abakayidi abamwabo bakabateghelezyanga.

Ukukumbusya Amalamulo 28:8

U Mwene, u Chala winyu akwiza pakuzisaya imbombo zyinyu zyosi, nukwizuzya intamba zyinyu. U Mwene u Chala winyu akwiza pakubasaya muchisu chicho akubapa.

Aba Kolosi 3:3

Pakuti kale mukafwa, sona ubumi bwinyu bufisiwe poka nu Kilisitu mwa Chala.