Masalimo 42:3 - IBAYIBOLO 2024

³ Nkulila pamusanya na pabusiku bulo, sona amasozi gho chakulya chane. Akabalilo kosi abalwani bane bakundalusya bakuti, “Nkimba u Chala wako ali ko kwiyi?”

Masalimo 42:3 Iomraidhean Croise

2 Samuweli 16:12

Lumo u Mwene akwiza pakwennya intamyo zyane nukunyosezya ivintu ivyiza pachifukwa icha kunguna kunuku ilelo.”

Masalimo 102:9

Pakuti amatoyi cho chakulya chane, nukongannya ichakung'wela chane na masozi.

Masalimo 115:2

Nkimba choni chicho abantu aba inko bakutinji, “Nkimba u Chala wabo ali ko kwiyi?”

Masalimo 143:6

Nkukwezya inyobe zyane kukwako, umoyo wane ghuli ni nyota nawe, ngati po chisu ichumizu.

Masalimo 22:8

Bakuti, “Amusubiye u Mwene muleke amupokaye, muleke amupokaye pakuti ahobokite nawe.”

Masalimo 3:2

Abinji bakutinji, “U Chala atangamupoka.”

Masalimo 42:10

Intuko izya balwani bane zikunjivya ngati yo nkonko, bo abakumbenga bakunyobezya pakundalusya isiku lyosi ukuti, “Nkimba u Chala wako ali ko kwiyi?”

Masalimo 63:2

Nkulonda nkani pakukwennya mubuzilo bwako ubuzelu, unyitikizye ukuti nennyanje amaka ghako, sona nu buchindamu bwako.

Masalimo 79:10

Nkimba choni chicho abantu aba inko izinji balalusyanje ukuti, “Nkimba u Chala wabo ali ko kwiyi?” Bo tukwennya na maso ghitu ubafundaye abantu aba inko izinji, pachifukwa icha kubaghogha ababombi bako.

Masalimo 79:12

Wee Mwene ubatanizyanje akaseveni abantu aba inko izinji, pachifukwa icha ntuko zizyo bakukusamula nazyo.

Masalimo 80:5

Wabapa amasozi pakuba chibama, wabang'wesya ulubako ulwizule na masozi.

Masalimo 84:3

Nu twatiti bulo tukwaghamo umwakutengamo ivivumbo vyabo, po abakabelebeswa bope bakwitengelamo ivivumbo, ukuti babalulilayemo utwana, papipi ni vighemo vyako. Wee Mwene Uwamaka Ghosi, we Mwene nu Chala wane.

Ukufuma 23:17

“Abanavuli bosi bizaye pakunyiputa ane ne Mwene Uwamaka Ghosi, mumasiku matatu ghanagha pamwaka.

Yoweli 2:17

Muleke umuputi yuyo akubomba pamaso pa Mwene, alilaye pakasi pa bwinjililo ubwa Nyumba iya Chala ni chighemo. Baleke banenaye ukuti, “Wee Mwene ubapelele ichisa abantu bako. Utakachipele ichilingo chako ukuti chisamuliwe. Nkimba choni chicho banenaye pakasi pa inko izinji ukuti, ‘Nkimba u Chala winyu ali ko kwiyi?’ ”

Mika 7:10

Po umulwani wane akwiza pakuchennya chinichi, sona isoni zikwiza pakumulema, akundalusya akuti, “Nkimba u Mwene u Chala wako ali ko kwiyi?” Amaso ghane ghakwiza pakwennya ukuwa kwache, nilelo bulo akwiza pakukanyankiliwa ngati matope agha mumisebo.

Ukukumbusya Amalamulo 5:26

Nkimba alipo umuntu yuyo akendelela pakuba nubumi, bo amwivwa u Chala umumi akunena mumoto?