Masalimo 41:1 - IBAYIBOLO 2024

¹ Musayiwa umuntu yuyo akubapasikizya abapina, po u Mwene akumupokagha pakabalilo akantamyo.

Masalimo 41:1 Iomraidhean Croise

Masalimo 112:9

Abagabila abapina ivyabupi mubwighane bwache, ubugholosu bwache ubwa bwila na bwila, akwiza pakuba wamaka nu muchindamu.

Masalimo 34:19

Umugholosu angaba nintamyo inyinji nkani, loli u Mwene akumupoka muntamyo zyosi zinizi.

Masalimo 37:19

Pakabalilo akantamyo batakwiza pakuyimba, sona pakabalilo aka zala bakwiza pakuba ni chakulya ichakukwana.

Masalimo 37:26

Akabalilo kosi bakuba bachisa, sona bakubazimya abantu abanji. Po abana babo bakwiza pakuba lusayo.

Ivyili 14:21

Umuntu yuyo akumusamula umupalamani wache, kokuti akunanga, loli musayiwa umuntu yuyo akubavwa abapotwe.

Ivyili 16:14

Ubukali ubwa mwene yo ntumi iya bufwe, loli umuntu uwamahala weyuyo akubwisya ubukali bulabula.

Ivyili 19:17

Umuntu yuyo akumupelela ichisa umupina akumwazimya u Mwene sona akwiza pakumupa umuvwalo ukuyana ni mbombo zyache inyiza.

Umulumbilili 12:1

Umukumbukaye Umupeli mumasiku ghako agha bulumendo bwako, bo amasiku agha ntamyo ghatafikite, sona bo ghatapalamiye amaka ghagho ukwiza pakunena ukuti, “Intakwilagha ubumi.”

Yelemiya 39:17

Loli nkwiza pakukupoka pisiku lilalila, utakwiza pakubikiwa ku babo ukabanyila.

Maliko 14:7

Akabalilo kosi muli nabo abapina, sona akabalilo kosi kako mukulonda, mungabavwa. Loli mute mubanje nane akabalilo kosi.

Imbombo 20:35

Muvintu vyosi nabalanjizya ukuti pakubomba nkani imbombo bunubu, tubaghiye pakubavwa abadedebazu. Mukumbukaye amazyu ghagho u Mwene u Yesu akanena ukuti, ‘Ukupa kukumusaya umuntu nukuchila ukupokela bulo.’ ”

Aba Galatiya 2:10

Ichintu chene chicho bakatulaba chikaba chakuti tubakumbuke abantu abapina, ichintu chene chicho ane nkaba nu lweke nacho pakuchibomba.

1 Aba Tesalonika 5:14

Bakamu bitu, tukubalaba ukuti mubasokaye abantu abakata. Abantu babo bali nubogha mubakazyanje. Mubakazyanje nukubavwa babo badedebazu, sona mubanje mwe bafisalyoyo nu muntu wesi.

Aba Hebeli 6:10

U Chala mugholosu, sona atakwiza pakuluvya imbombo zyinyu nu lughano lulo mwamulanjizya bo mukubavwa abantu bache, sona mwendelela pakubavwa.

Yakobo 2:13

Pakuti u Chala atakwiza pakulanjizya ichisa, bo akumulonga umuntu yuyo atakaba ni chisa. Loli umuntu wesi yuyo ali ni chisa atakwiza pakubunyila ubulongi ubwa Chala.

Ubuvumbuli 3:10

Pakuti wasungilila amazyu ghane aghakuti ujimbaye, po nane nkwiza pakukusungilila pakabalilo aka njelo, kako kakwiza pachisu chosi ichapasi pakubayela abantu babo bakwikalamo.

Luti 2:19

U Nabomi akamulalusya umulasagha wache yula akati, “Nkimba wasalalagha kwiyi ilelo? Nkimba wabombagha mumughunda wawenu? Musayiwa nkani umuntu yuyo akupeleye ichisa bunubu.” Po u Luti akamupangila unyinavyala nizya mwenecho uwa mughunda ghugho akabombaghamo imbombo akati, “Umwenecho uwa mughunda ghugho nabombaghamo imbombo ilelo we Bowazi.”