Masalimo 40:6 - IBAYIBOLO 2024

⁶ Utakuhoboka ni vyakwiyipa sona ni vyabupi, loli wanyighula amakutu ghane, sona ivyakwiyipa ivyakocha ni vyakwiyipa ivyakupepesezya imbibi utakuvilonda.

Masalimo 40:6 Iomraidhean Croise

Yobu 33:16

palapala angabateketela nukuboghofya ni soki.

Yobu 5:9

Akubomba iviswigho, vivyo umuntu atangavyaghannya, sona ni vyika vivyo vitangabelengiwa.

Masalimo 139:17

Wee Chala, inyinong'ono zyako mpalapala nkani, umwakuti zitangabelengiwa.

Masalimo 139:18

Nanti nayezya pakuzibelenga, ngali zichilite ubwinji ubwa musesenga. Bo nkulamusya nkuba poka nawe.

Masalimo 50:8

Ntakubachemela pachifukwa icha vyakwiyipa vyinyu, pamo pachifukwa icha vyakwiyipa ivyakocha, vivyo mukubika pamaso papane.

Masalimo 51:16

Utakuhoboka ni vyakwiyipa, lumo ngali nkwiza navyo, sona utakahoboka ni vyakwiyipa ivyakocha.

Masalimo 71:15

Umulomo wane ghukwiza pakubapangila abanji nizya bugholosu bwako, sona nizya bupoki bwako isiku lyosi akabalilo kosi, napapo bukulu nkani ukuchila akivwisizye kane.

Ukufuma 21:6

Po u mwene wache amusendele pantazi pa balongi. Kulakula ize nawe palwiyi pamo mulubazu ulwa mulyango nukumudobola ikutu ni chidobolelo. Po akwiza pakuba muzya wache mubumi bwache bosi.

Yesaya 1:11

U Mwene akuti, “Nkimba ubwinji ubwa vyakwiyipa vyinyu cho choni kukwane? Intakuvinyonywa sona ivyakwiyipa vyinyu ivyakocha ivya ng'ozi, ivyakwiyipa ivya mafuta agha badubi nagha vitekwa ivyakwina, ntakuhoboka ni banda ilya nkambaku, nilya twana utwa ng'ozi sona nilya mbuzi.

Yesaya 25:1

Wee Mwene, awe we Chala wane, nkwiza pakulikwezya nukulipala itabwa lyako, pachifukwa icha busubiliwa bwako ubwakufikapo, wabomba ivyakuswighisya vivyo ukabatika kale.

Yesaya 66:3

Loli abantu babo bakughogha ing'ombe pakuba chakwiyipa, bali ngati muntu yuyo aghogha umuntu, abantu babo bakughogha ing'ozi pakuba chakwiyipa, bali ngati muntu yuyo anyonga imbwa isingo, sona abantu babo bakubika amalezi pakuba chakwiyipa, bali ngati muntu yuyo akubika ibanda ilya ngulube, abantu babo bakubika ichikumbusyo icha ivyakununkila, bope bulo bali ngati muntu yuyo akuchiputa ichifwani. Basala izila zyabo, sona imizimu yabo yikuhoboka nivintu ivibibi,

Hoseya 6:6

Pakuti intakulonda ivyakwiyipa, loli nkulonda ichisa. Chicho nkunyonywa ko kumumanya u Chala, ukuchila ivyakwiyipa ivyakocha.

Amosi 5:22

Napapo mukubika ivyakwiyipa ivyakocha ni vyakwiyipa ivya busu, ntakwiza pakuvipokela. Napapo mukubika ivyakwiyipa ivyabupoka, ntakwiza pakuvipokela, awe.

Matayi 12:7

Amasimbo ghakuti, ‘Ichisa cho chicho nkulonda, chite ichakwiyipa icha vinyamana awe!’ Nanti mwachimenye chicho amazyu agha ghakung'anamula ngali mutabanenite abantu babo batanangite ukuti bambibi.

Matayi 9:13

Bukagha, kivwisye ukuti Amasimbo ghakung'anamula ichoni, ghagho ghakuti, ‘Intakulonda ivyakwiyipa ivya vinyamana, loli nkulonda ichisa.’ Ntizite pakubitizya abantu abagholosu ukuti bapinduke, loli nizite pakubitizya abantu abambibi.”

1 Samuweli 15:22

Loli u Samuweli akati, “Nkimba u Mwene akuhoboka ni vyakwiyipa ivyakocha, sona ni vyabupi pamo ukughivwila amazyu ghache? Ukwivwila chintu chizapo ukuchila ichakwiyipa, ukughakonka amalamulo ghache chizapo, ukuchila ichakwiyipa icha mafuta agha dubi.