Masalimo 40:17 - IBAYIBOLO 2024

¹⁷ Loli ane ne mupina sona mupotwe, po u Mwene anyinong'onelaye. Wee Chala wane, we mwavwilizi wane sona we mutabuli wane, utakazyelaye.

Masalimo 40:17 Iomraidhean Croise

Masalimo 109:22

Pakuti ne mupina, sona ne wakusobelwa, ghope umoyo wane ghuvulaye nkani.

Masalimo 34:4

Nkiputa kwa Mwene, po akanyamula, akampoka ku vyosi vivyo nkavinyilagha.

Masalimo 34:6

Umuntu umupina uyu akalila, po u Mwene akamwivwa, sona akamupoka muntamyo zyache zyosi.

Masalimo 35:27

Balulutilaye nukusekela abantu babo bakulonda ukubwennya ubugholosu bwane, akabalilo kosi batinji, “U Mwene akweziwanje, akuhoboka nkani nu bwiza ubwa mubombi wache.”

Masalimo 40:5

Wee Mwene Chala wane, watubombela ivintu ivyinji nkani, Atalipo nayumoyumo umuntu uwakuyana nawe! Watubatikila ivintu ivyinji nkani ivyakuswighisya. Nanti nkavinenagha nukuvivumbula, ngali vyaba vyinji nkani pakuvitambula.

Masalimo 54:4

Naloli u Chala we mwavwilizi wane, sona u Mwene musungilili wane.

Masalimo 69:33

Pakuti u Mwene akubivwa abapotwe, sona atakubapa inkonto babo bali mujele.

Masalimo 70:5

Wee Chala, loli ane ne mupina sona ne mupotwe, po zagha lubilolubilo unyavwe. Awe we mwavwilizi wane, sona we mutabuli wane, wee Mwene utakazyelaye.

Masalimo 86:1

Wee Mwene, unteghelezye sona unyamule. Pakuti ane ne muntu umupina sona ne musobelwe.

Yesaya 25:9

Pisiku lilalila abantu bakwiza pakunena ukuti, “Naloli uyu we Chala witu, tukamusubila po akatupoka. Uyu we Mwene yuyo tukamusubila, zagha tusekelaye nukuhoboka pachifukwa icha kutupoka.”

Yesaya 41:17

“Abapina na bakusobelwa bakulonda amizi, loli amizi naghamo, kusingo kwabo kumiye. Loli ane ne Mwene nkwiza pakubamula, ane ne Chala uwa Izilayeli, ntakwiza pakubaleka.

Matayi 8:20

U Yesu akamwamula akati, “Abakambwe bali ni mpako, ni viyuni vyope vili ni vivumbo, loli u Mwana uwa Muntu ate nu buzilo ubwakughonapo nukutuzyapo.”

2 Aba Kolinti 8:9

Pakuti muchimenye ichisa icha Mwene witu u Yesu Kilisitu. Napapo akaba mukabi, loli akaba mupina pachifukwa icha mwemwe, umwakuti ukwendela mu bupina bwache, amwe mubanje bakabi.

Aba Hebeli 13:6

Po zagha tunene nu bujivu ukuti, “U Mwene we mwavwilizi wane, po ntakwiza pakunyila. Nkimba umuntu angabomba choni nane?”

Yakobo 2:5

Mwee bakamu bane abaghaniwa, ivwa kuno! Nkimba u Chala atakabasala abantu abapina aba muchisu ichapasi ukuti babanje bakabi mulwitiko nukupyana ubumwene, bubo akabalayizya abantu babo bamughanite?

1 Pitala 2:23

Bo bakumutuka, atakatanizyapo ni ntuko. Bo akuyimba atakanenapo nalimolimo izyu ilyakoghofya. Loli akavibika vyosi munyobe izya Chala, yuyo we mulongi umugholosu.

1 Pitala 5:7

Mumutulile ukupasya kwinyu kosi, pakuti akubapasikizya amwe.

Ubuvumbuli 22:20

Yuyo akusimikizya ivintu vyosi vinivi akuti, “Naloli! Nkwiza lunulu.” Ameni! Mwene Yesu, zagha!