Masalimo 40:14 - IBAYIBOLO 2024

¹⁴ Bosi babo bakulonda pakubwefya ubumi bwane, bakoziwanje isoni nukuvulungana. Bosi babo bakulonda pakubupelela intamyo ubumi bwane, banyokelaye kwisinda nukukoziwa isoni.

Masalimo 40:14 Iomraidhean Croise

Masalimo 109:20

Ughu gho ghubanje muvwalo uwa Mwene, ku bantu babo bakumususya, zibawilaye abantu babo bakunena akabibi.

Masalimo 22:12

Abalwani ngati nkambaku inyinji banzyunguliye, abalwani abamaka ngati nkambaku mu Bashani banzyunguliye.

Masalimo 22:20

Poka ubumi bwane kwa panga, sona ubumi bwane ubwapamwanya munyobe izya mbwa izyamaka.

Masalimo 35:26

Bakoziwanje isoni nkani nukuvulungana abantu bosi, babo bakuhoboka pachifukwa ichakuyimba kwane. Bakoziwanje isoni nukusamuliwa, babo bakwikwezya pamaso papane.

Masalimo 35:4

Bakoziwanje isoni babo bakubulondelezya ubumi bwane sona basamuliwanje. Bakoziwanje isoni babo bakubatika pakumbombela ivibibi sona banyokelaye kwisinda

Masalimo 70:1

Wee Chala, mpoka lubilolubilo. Wee Mwene, nyavwe lunulu.

Masalimo 71:13

Abantu babo bakusunsya bazimilaye pachifukwa icha soni, sona bope babo bakulonda pakunvulazya, basamuliwanje nukukoziwa isoni.

Masalimo 9:3

Abalwani bane bakunyokela kwisinda, sona bakwipunula nukuzimila pamaso papako.

Yesaya 41:11

“Babo bosi bakukukalalila, bakwiza pakusamuliwa nukukoziwa isoni, sona babo bakulwana nawe, bakwiza pakuba babulo nukuzimila.

Yesaya 45:24

Bakwiza pakunena nizya ane ukuti, “Mwa Mwene mpela, momumo muli ubugholosu namaka.” Loli bosi babo bambengite, bakwiza pakukoziwa isoni.

Yohani 18:6

Bo u Yesu amula ukuti nene, bakanyokela chinyumanyuma nukuwa pasi.