Masalimo 40:10 - IBAYIBOLO 2024

¹⁰ Ntaghuvinditepo umoyo wane ukuti we mugholosu, loli nabafumuzizya abinji nizya busubiliwa nu bupoki bwako. Intakaluvindapo pakunena nizya lughano lwako nu bwanaloli, pakasi palukomano ulukulu nkani.

Masalimo 40:10 Iomraidhean Croise

Masalimo 22:26

Abapina bakwiza pakulyanga nukwikuta, sona babo bakumulondelezya u Mwene bakwiza pakumupala ukuti, “Amoyo ghinyu ghabanjeko bwila na bwila.”

Masalimo 25:10

Izila zyosi izya Mwene izya lughano sona nsubiliwa, ku bantu babo bakughasunga amalamulo agha lufingo lwache.

Masalimo 34:6

Umuntu umupina uyu akalila, po u Mwene akamwivwa, sona akamupoka muntamyo zyache zyosi.

Masalimo 75:9

Loli ane nkwiza pakuzifumusya zinizi bwila na bwila, nkwiza pakumwimbilagha amapalo u Chala uwa Yakobo.

Masalimo 89:1

Nimbaye ulughano ulukulu nkani ulwa Mwene bwila na bwila, Nu mulomo wane ifumusyanje ubusubiliwa bwako ukuti bumanyikwanje ku nkulilo zyosi.

Yesaya 49:6

U Mwene akamubuzya akati, “Ko kantu akanandi nkani, akakuti, ubanje we mubombi wane. Utakwiza pakubomba yene, iya kubanyosezya abaluko ulwa Yakobo, sona nukubanyosezya aba Izilayeli babo bakasyalako, loli nkwiza pakukupela pakuba we lukozyo ulwa bantu babo bate ba Yuda, umwakuti abantu bosi aba muchisu ichapasi bapokiwe.”

Ezekiyeli 2:7

Ubabuzye amazyu ghane, manyi bakwivwa pamo batakwivwa, pakuti basambuke.

Mika 7:20

Ukwiza pakuba musubiliwa kwa Yakobo, nukuba wachisa kwa Abulahamu, ngati mumo ukalapila ichilapo na banyenya bitu mumasiku aghakale.

Luka 3:6

Abantu bosi bakwiza pakwennya ubupoki ubwa Chala!’ ”

Yohani 1:17

U Chala akatupa Indaghilo ukwendela mwa Mozesi, loli akatupa ichisa nu bwanaloli ukwendela mwa Yesu Kilisitu.

Aba Loma 10:3

Batazimenye mumo u Chala akubanenela abantu pakuba bagholosu pantazi papache, loli bakuyezya pakubika izila izinji, po batakwibikila bene izila yiyo u Chala akubanenela abantu pakuba bagholosu pantazi papache.

Aba Filipi 3:9

sona chicho nkulonda chakuti imamatilane poka nawe. Intanginena pakuba mugholosu pa nemwene pakuzikonka Indaghilo, loli pakusubila mwa Yesu Kilisitu. Ubugholosu ubwakufuma kwa Chala bwimite palwitiko.

1 Aba Tesalonika 1:8

Naloli ukwandila mumwinyu amazyu agha Mwene ghakasata mu Makedoniya, na mu Akaya bulo, sona ipangwi nizya lwitiko lwinyu mwa Chala likasata posi na posi. Polelo chitalipo nachimochimo chicho tunganenapo.

1 Timoti 1:15

Agha gho mazyu aghanaloli, ghagho ghabaghiye pakwitikiziwa nukusubiliwa: U Kilisitu u Yesu akiza muchisu ichapasi pakupoka abambibi. Po ane mumwabo nkaba ne mubibi ukuchilapo.

Ubuvumbuli 22:17

U Muzimu Umuzelu nu mukolo yuyo akusendwa bakuti, “Zagha!” Umuntu wesi yuyo akwivwa zinizi, wepe anene ati, “Zagha!” Umuntu wesi yuyo ali ni nyota, ize. Umuntu wesi yuyo akughalonda, muleke asende pabulo amizi amapela bumi.