Masalimo 4:8 - IBAYIBOLO 2024

⁸ Nanti nalambalala nkughona mumutende, pakuti awe Mwene, wewe ukwiza pakumpela ukuti nikalaye umwakufwasa.

Masalimo 4:8 Iomraidhean Croise

Masalimo 16:11

Wandanjizya izila iyakubukila kubumi, sona ukwiza pakunyizuzya nu buhobosu Sona nkwiza pakuhoboka bwila na bwila kunyobe yako indilo.

Masalimo 3:5

Nkulambalala nukughona utulo, po nkulamusyanga pakuti u Mwene weyuyo akunsungilila.

Ivyili 3:24

Nanti ukwikala pasi, utakwiza pakuba nubogha, nanti ukughona, utulo twako tukwiza pakunona nkani.

Yesaya 9:2

Abantu babo bakwenda muchisi, bennya ulukozyo ulukulu; Abantu babo bakwikala muchisu icha bantu abafwe, ulukozyo lwabalamila.

Ezekiyeli 34:25

“ ‘Nkwiza pakufingana nabo ukuti bikalaye mumutende nukuvichimbizyamo ivinyamana muchisu ukuti ing'ozi zyane zyikalaye munkolongo nukughona bulo mumusitu umwakufwasa.

Hoseya 2:18

Mumasiku ghalaghala nkwiza pakufinga ulufingo ni vinyamana ivyamunkolongo, ni viyuni, sona ni vinyamana vivyo vikwavula. Nkwiza pakumazya ubwele, na bapanga, sona nu bwite, umwakuti bikalaye umwakufwasa.

Aba Levi 26:5

Inyinulo yinyu yikwiza pakwendelela mupaka pakabalilo akakuyabila ivikomwa, sona mukwiza pakuyabagha ivikomwa mupaka pakabalilo akakubyalila. Mukwiza pakulya ivibama nukwikuta, sona mukwiza pakwikala muchisu chinyu umwakufwasa.”

Ukukumbusya Amalamulo 12:10

Bo mwaloboka ulusoko ulwa Yolodani, u Mwene u Chala winyu akwiza pakubitikizya pakwikala muchisu chicho u Mwene akubapa pakuba mpyana yinyu. Akwiza pakubasungilila kubalwani binyu, umwakuti mwikalaye umwakufwasa.

1 Aba Tesalonika 5:10

Umwene akatufwila aswe umwakuti tubanje nubumi poka nawe, manyi twe bafwe, manyi twe bumi.

Ubuvumbuli 14:13

Po nkivwa izyu kumwanya likuti, “Simba uti: Basayiwa abantu babo ukwandila pakabalilo aka bakufwila pambombo iya Mwene.” U Muzimu Umuzelu akuti, “Eee momumo! Bakwiza pakutuzya pambombo zyabo inkafu, pakuti imbombo zyabo inyiza zikubakonka.”