Masalimo 4:3 - IBAYIBOLO 2024

³ Muzimanye ukuti u Mwene isalila mwene abasubiliwa, sona akunyivwa bo nkumwitizya.

Masalimo 4:3 Iomraidhean Croise

Masalimo 31:23

Mumughanaye u Mwene mwebosi mwe bantu bache abazelu. U Mwene akubasungilila akiza abantu abasubiliwa loli abantu abakwituvya akubapa umuvwalo ukuyana ni mbombo zyabo.

Masalimo 34:15

Amaso agha Mwene ghakubennyanga abantu abagholosu, sona amakutu ghache ghakuteghelezya ukulila kwabo.

Masalimo 49:3

Umulomo wane ghukwiza pakunena amazyu aghamahala, sona inyinong'ono zyane zikwiza pakubamanyisya akivwisizye aka vintu.

Masalimo 50:5

“Babungannye pamaso papane abantu bane abasubiliwa, babo bakafingana nane pakubika ichakwiyipa.”

Masalimo 56:9

Po abalwani bane bakwiza pakunyokela kwisinda, pisiku lilyo nkwiza pakukwitizya ukuti unyavwe. Pachinichi inzimenye ukuti u Chala ali nane.

Masalimo 6:8

Epako kukwane mwebosi mwe babomba imbibi, pakuti u Mwene ivwa ukulila kwane.

Masalimo 62:10

Mutakavisubilaye ivyongo, pamo ukwituvikizya muvintu ivya bwiba. Napapo ubukabi bwinyu bwinji nkani, loli mutakabikayepo nkani umoyo.

Ukufuma 33:16

Nkimba abantu bangamanya bulibuli ukuti uhobokite na bantu bako, poka nane nanti utakubuka poka naswe? Ububapo bwako bukwiza pakulesannya pakasi pabantu bako na bantu abanji bosi aba muchisu ichapasi.”

Yohani 15:16

Mute mwemwe mukansala awe, loli nene nkabasala amwe. Po nkabasala nukubimika ukuti mubuke nukupa ivikomwa ivyinji, ivikomwa vivyo vikwiza pakubangako bwila. Sona Utata akwiza pakubapa chosi chicho mukulabila mwitabwa lyane.

Aba Efeso 2:10

Pakuti twe vimatiwa ivya Chala, yuyo akatupela ukwendela mwa Kilisitu u Yesu ukuti tubombe imbombo inyiza zizyo akatuyanizya zila ukuti tuzibombaye.

2 Timoti 2:19

Loli pope bulo ulwalo ulukafu, lulo u Chala azenga lutanganeng'ena napo panandi, sona papo pasimbiwe amazyu agha, “U Mwene abamenye abantu babo bache,” sona, “Umuntu wesi yuyo akwitika nu mulomo wache ukuti wa Mwene, apindukaye nukuzileka imbibi zyache.”

Titi 2:14

Akiyipa mwene pachifukwa icha sweswe ukuti atusatule ku bubibi bwitu bosi nukuti tubanje bantu bache abazelu, babo balweke pakubomba imbombo inyiza.

1 Pitala 2:9

Loli amwe mwe luko ulupaghuliwa, abaputi aba bumwene, abantu abache na bache aba Chala. Akabasala ukuti mulumbilile imbombo izyakuswighisya izya Chala, yuyo akabefyamo muchisi nukubinjizya mu lukozyo lwache ulwakuswighisya nkani.

2 Pitala 2:9

Po u Mwene amenye namumo akubapokela munjelo abantu babo bakumunyila nukubafunda abantu babo batakumunyila mupaka pisiku lilyo u Chala akwiza pakubalonga abantu.