Masalimo 4:1 - IBAYIBOLO 2024

¹ Wee Chala wane umugholosu unyamule bo nkukwitizya. Unyavwe nanti nkukomana na mayimba, sona umpelelaye ichisa nukulwivwa ulwiputo lwane.

Masalimo 4:1 Iomraidhean Croise

Yobu 36:16

Akwefyamo muntamyo, nukukubika mubwiza, kuko akukwikutisya ni vyakulya ivyiza.

Masalimo 11:7

Pakuti u Mwene we mugholosu, sona abughanite ubwanaloli, Po abagholosu bakwiza pakuchennya icheni chane.

Masalimo 116:16

Wee Mwene, naloli ne mubombi wako, nkukubombela ngati mumo u mayi wane akabombela, wansatula kubunyololo bwane.

Masalimo 116:6

U Mwene akubavighilila abantu abakwiyisya, sona akampoka bo indi muntamyo impalapala nkani.

Masalimo 119:132

Ghalabukila kukwane, po umpelele ichisa, ukuyana namumo ukubabombela abantu, babo balighanite itabwa lyako.

Masalimo 143:2

Utakandongaye ne mubombi wako, pakuti atalipo nayumo umumi, yuyo mugholosu pamaso papako.

Masalimo 17:6

Wee Chala, nkukwitizya pakuti ukwiza pakunyamula, unteghelezyanje sona ivwa ulwiputo lwane.

Masalimo 22:1

Chala wane, Chala wane, nkimba choni chicho wandeka nemwene? Nkimba choni chicho utakunyavwa sona nkimba choni chicho utakwivwa ukukoloma kwane?

Masalimo 24:5

Akwiza pakupokela ulusayo ulwa Mwene sona u Chala Umupoki wache weyuyo akwiza pakunena ukuti ate ninongwa.

Masalimo 25:16

Ghalabukila kukwane nukumpelela ichisa, pakuti indi nemwene bulo sona nkuyimba nkani.

Masalimo 31:8

Po utakambika munyobe izya balwani bane, loli ukanyimika pabuzilo ubukulu nkani.

Masalimo 41:12

Wanvighililagha pachifukwa icha busubiliwa bwane, sona wambikagha pamaso papako bwila na bwila.

Masalimo 42:1

Ngati mumo imbabala yikusambila utusoko utwa mizi, wee Chala wane nane bulo nkukusamba.

Masalimo 45:1

Umoyo wane wizuye ni pangwi ilyiza, bo indi pakumwimbila u mwene ulwimbo lwane. Ululimi lwane luli ngati chakusimbila icha musimbi yuyo amenye nkani pakusimba.

Masalimo 56:1

Wee Chala, umpelelaye chisa, pakuti abalwani bane bakunchimbizya, sona akabalilo kosi bakunvwima.

Masalimo 57:1

Wee Chala, umpelele ichisa, sona banga ni chisa nane, pakuti nkuchimbilila kukwako. Nkwiza pakuponela kusi kuvipapande vyako, mupaka ukankungu uwakunangannya adumusannye.

Masalimo 6:1

Wee Mwene utakanchemelaye, mubukalale bwako, pamo ukunfunda pachifukwa ichakuti ukalaye.

Masalimo 67:1

U Chala atupelelaye ichisa nukutusaya, sona icheni chache chitulamiye.

Masalimo 76:1

U Chala mumanyikwe nkani mu Yuda, sona itabwa lyache likulu nkani mu Izilayeli.

Yesaya 45:24

Bakwiza pakunena nizya ane ukuti, “Mwa Mwene mpela, momumo muli ubugholosu namaka.” Loli bosi babo bambengite, bakwiza pakukoziwa isoni.

Yelemiya 23:6

Mukabalilo kache ichisu icha Yuda chikwiza pakupokiwa sona ichisu icha Izilayeli chikwiza pakwikalagha umwakufwasa. Akwiza pakwitiziwa ni tabwa ilyakuti, ‘U Mwene we Bugholosu bwitu.’ ”

Habakuku 3:19

U Mwene Uwamaka Ghosi we maka ghane, akuvipela ivinama vyane pakuba ngati vinama vya mbabala, sona akunyitikizya ane ukufika pamwanya pighamba. Kumulongozi uwa bwimbi. Pakubombezya ipango.

1 Aba Kolinti 1:30

U Chala weyuyo abamamatizya poka nu Kilisitu u Yesu, sona akamupima pakuba mahala ghitu. Ukwendela mumwache, twaneniwa pakuba bantu bagholosu pamaso pa Chala. Aswe twaba bantu abazelu aba Chala, sona twapokiwa.

2 Aba Kolinti 1:10

Umwene akatupoka kubufwe ubwakoghofya ubu, po akwiza pakutupoka. Twabika ulusubilo lwitu mumwache ukuti akwiza pakutupoka sona,

2 Aba Kolinti 1:8

Ilelo bakamu bitu, tukulonda ukuti mumanye intamyo zizyo tukakomana nazyo muchigaba icha Asiya. Amayimba ghakaba makulu nkani ukuchila amaka ghitu, umwakuti tutakaba nu lusubilo ulwakuti tungaba nubumi.

1 Samuweli 17:37

U Mwene yuyo akampoka ku nkalamu naku balabwe, akwiza pakumpoka munyobe izya mu Filisiti yunuyu.” Po u Sabuli akamubuzya u Devedi akati, “Bukagha, u Mwene abanje nawe.”