Masalimo 39:6 - IBAYIBOLO 2024

⁶ Umuntu akwendakwenda bulo ngati muzyezye, sona akwitamya bulo ni vintu vivyo vite ni mbombo. Akwilundikila ubukabi, loli atamumenye yuyo akwiza pakwilagha ubumi bwache bulabula.

Masalimo 39:6 Iomraidhean Croise

Yobu 14:1

“Umuntu yuyo akupapiwa nu mukolo amasiku ghache manandi bulo, sona ghizuye nintamyo zyene.”

Yobu 7:16

Ubumi bwane nkubusulannya, intakunyonywa sona pakuba mumi bwila na bwila. Mundeke bulo, pakuti ubumi bwane buli ngati muyi bulo.

Yobu 7:7

“Wee Chala, kumbuka ukuti ubumi bwane buli ngati muyi bulo; amaso ghane ghatakwiza pakwennya sona ivyiza.”

Masalimo 127:2

Mukuyimba bulo pakulabila pandabindabi nukukaba pakughona. Ukuti muchaghe ichakulya, pakuti u Mwene akubapa abaghaniwa bache, ivyakusobelwa vyabo babo abaghanite.

Masalimo 144:4

Umuntu ayanite bulo nu muyi, ghope amasiku ghache ghayanite nu muzyezye ghugho ghukuzyebeluka.

Masalimo 89:48

Nkimba muntu wenu yuyo angikala ukusita ukufwa, pamo ukwipoka mwene kumaka agha ipumpa?

Ivyili 13:22

Umuntu umwiza akubalekelagha abizukulu bache ichilingo, loli umuntu umubibi akubalundikilagha ubukabi abantu abagholosu.

Ivyili 23:5

Nanti wabwagha ubukabi, ukwennya ukuti bwabuka kale, pakuti naloli bukwiza pakumela ivipapande nukubulukila kumwanya ngati lyo lizwanga.

Ivyili 27:24

Pakuti ubukabi butakubangako bwila na bwila, sona impumpu yitakwikalaghako mupaka inkulilo zyosi?

Umulumbilili 1:14

Navyennya ivintu vyosi vivyo vikubombiwa pachisu ichapasi ukuti vyosi vite ni mbombo, sona ko kwitamya bulo.

Umulumbilili 11:10

Po utakapasyanje ni chintu chimo, sona uvileghukaye vivyo vikughutamya umubili wako. Pakuti ubulumendo nubwana vyosi vinivi vite ni mbombo nayimoyimo.

Umulumbilili 12:13

Losi ulu vyosi vyivwika. Po ifundo iyenecho yo iyi: Umuchindikaye u Chala nukughakonka amalamulo ghache pakuti iyi yo mbombo inkulu iya muntu.

Umulumbilili 12:8

Umulumbilili akuti, “Vite ni mbombo nayimoyimo. Vyosi vite ni mbombo nayimoyimo.”

Umulumbilili 2:26

Umuntu yuyo u Chala ahobokite nawe, akumupa amahala nu bumanyi sona nu buhobosu. Loli umuntu uwa mbibi akumupa imbombo iyakubungannya ubukabi nukumusungila umuntu yuyo u Chala ahobokite nawe. Vyope vinivi vite ni mbombo nayimoyimo, ko kuyimba bulo.

Umulumbilili 2:8

Nkibunganikila usiliva nu golide nu bukabi ubwa bamwene babo bakaba pasi papane. Nkaba na bimbi abanavuli na bakolo babo bakanyimbilagha, sona na balindu babo bakaghasangalusyanga amoyo agha banavuli.

Umulumbilili 5:14

pamo ubukabi bubo bukumala pachifukwa icha chighune, umwakuti nanti ali na bana, umuntu yulayula atakuba nacho nachimochimo ichakubalekela abana bache.

Yesaya 55:2

Nkimba choni chicho mukutagha indalama, pavivyo te vyakulya, sona nukubombela pachicho chitakwikutizya? Nteghelezya akiza, sona mulyanje chicho chiza, mwilaghaye pakulya ivyakulya ivyizya.

Luka 12:26

Nanti mutangabomba na kantu akanandi bulo ngati ko aka, choni chicho mukupasya ni vintu ivinji?

Luka 12:29

Polelo mutakapasyanje ukuti tukwiza pakulya ichoni, pamo tukwiza pakung'wela ichoni.

1 Aba Kolinti 7:31

Sona abantu babo bikolezannya nivya muchisu ichapasi babanje ngati po batikolezanizye navyo. Pakuti ichisu ichapasi ukuyana namumo chibeleye ilelo, weya, chikumala.

Yakobo 4:14

Loli mutakuzimanya nukuzimanya ukuti ubumi bwinyu indabi bukwiza pakuba bulibuli! Muyanite bulo nu kabefu, yuyo akuboneka pakabalilo akapimpa bulo nukuzyebeluka.

Yakobo 5:3

Ugolide winyu nu siliva vyawa uluzima. Uluzima lunulu lo lulo lukwiza pakuba we kaboni uwakubasusya, sona lukwiza pakunangannya umubili winyu ghosi ngati gho moto. Mwilundikila ubukabi mumasiku aghabumalilo agha.

1 Pitala 1:24

Amasimbo ghakuti, “Abantu bosi bali ngati lisote, sona ubuchindamu bwabo buli ngati bwezya ubwa muzi. Isote likufoka, sona ubwezya bukulaghala.

1 Pitala 5:7

Mumutulile ukupasya kwinyu kosi, pakuti akubapasikizya amwe.