Masalimo 39:1 - IBAYIBOLO 2024

¹ Nkati, “Nkwiza pakucheba nkani ni mbombo zyane, sona nkwiza pakululema ululimi lwane ukuti lutakanangaye. Nkwiza nukughusona bulo umulomo wane, bo indi pakasi pabantu ababibi.”

Masalimo 39:1 Iomraidhean Croise

1 Abamwene 2:4

Bombagha bunubu ukuti u Mwene abombaye zizyo akandayizya ukuti, ‘Nanti abaluko lwako baba ni nkalo inyiza, sona nanti baba basubiliwa pamaso papane nu moyo wabo ghosi nu muzimu wabo ghosi, utakwiza pakusobelwapo nalumolumo umuntu uwakuti alaghilaye ichisu icha Izilayeli.’

2 Abamwene 10:31

Loli u Yehu atakazikonka indaghilo izya Mwene u Chala uwa ba Izilayeli nu moyo wache ghosi. Atakazileka imbibi izya Yelobowamu zizyo zikabapelagha aba Izilayeli ukuti bope banangaye.

1 Imbili 16:41

Abantu bala bakaba poka nu Hemani nu Yedutuni sona na bosi babo bakasaliwa pakutambula amatabwa ghabo ukuti bamupalaye u Mwene pachifukwa icha lughano lwache lulo lutakumala nalumolumo.

Yobu 2:10

U Yobu akamwamula akati, “Utakanenaye ngati po we mukolo umupunganu. Nanti u Chala akutupa ivintu ivyiza, tukuvipokela. Nkimba choni chicho tukwilumbusya nanti akutuwisizya intamyo?” Napapo zikaba bunubu, u Yobu atakanenapo amazyu amabibi.

Masalimo 119:9

Nkimba abachilumendo bangisungilila bulibuli, umwakuti babanje ni nkalo izelu? Pene papo nanti akulyivwila izyu lyako.

Masalimo 12:4

Abantu banaba bakutinji, “Tukwiza pakupota ni ndimi zyitu, po nkimba wewenu angatupota na malomo ghitu?”

Masalimo 141:3

Wee Mwene, mbikila umulindilili pamulomo wane, sona ughulindililaye umulyango uwa pamilomo yane.

Masalimo 34:13

Po utakanenaye ivintu ivibibi, sona umulomo wako ghutakatamantaye.

Masalimo 62:1

Umoyo wane ghukuba bulo myee, pakumulindilila u Chala wane, pakuti weyuyo akumpoka.

Masalimo 77:1

Nkumulilila u Chala ukuti anyavwe, sona nkukolomoka kwa Chala ukuti anyivwe.

Ivyili 18:21

Ululumi luli na maka pakubupoka ubumi, pamo pakubughogha, sona babo balughanite bakwiza pakulya ivikomwa vyache.

Ivyili 21:23

Umuntu yuyo akulema pamulomo nukucheba pazizyo akunena, atakukomanaghapo nintamyo.

Amosi 5:13

Polelo, umuntu uwa mahala akuba bulo myee, pakabalilo ngati kanaka, pakuti ko kabalilo akabibi nkani.

Aba Kolosi 4:5

Mubanje na mahala bo mukwangala na bantu abakuzi, nukulubombezya akiza ulusako losi lulo muli nalo.

Aba Hebeli 2:1

Polelo tubaghiye tulemezye nkani zizyo tukivwa, umwakuti tutakepukayeko.

Yakobo 1:26

Nanti umuntu akwipima ukuti akumwiputa u Chala, loli atakululema ululimi lwache, akwizimbula bulo, sona ukwiputa kwache kwabulo.