Masalimo 37:27 - IBAYIBOLO 2024

²⁷ Ubuleghukaye ububibi, sona ubombaye inyiza, po ukwiza pakwikalagha muchisu bwila na bwila.

Masalimo 37:27 Iomraidhean Croise

Yobu 28:28

Po akamubuzya umuntu akati, “Ukumunyila u Mwene gho mahala sona ukuzichimbila imbibi ko kwivwisya.”

Masalimo 102:28

Abana aba babombi bako bakwiza pakwikala pamaso papako, sona abaluko lwako bakwiza pakwikalana pamaso papako.”

Masalimo 34:14

Uzileghukaye imbibi, nukubomba zizyo nyiza, ubanje nu lweke pakughulonda umutende nukughukonka.

Masalimo 34:15

Amaso agha Mwene ghakubennyanga abantu abagholosu, sona amakutu ghache ghakuteghelezya ukulila kwabo.

Ivyili 16:17

Izila iya muntu umugholosu yikuzileghuka imbibi, yuyo akwisungilila mukendele kache, akubusungilila ubumi bwache.

Ivyili 16:6

Pachifukwa icha kwiyiyipa nu busubiliwa, imbibi izya muntu zikuhobokeliwanga, sona pachifukwa ichakumuchindika u Mwene umuntu akuzileghukagha imbibi.

1 Aba Tesalonika 5:15

Mwenelezye ukuti nayumo umuntu akunyosezya ububibi pabubibi, loli akabalilo kosi mubombelanaye ubwiza mwebenebene, sona na bantu bosi.

2 Timoti 2:19

Loli pope bulo ulwalo ulukafu, lulo u Chala azenga lutanganeng'ena napo panandi, sona papo pasimbiwe amazyu agha, “U Mwene abamenye abantu babo bache,” sona, “Umuntu wesi yuyo akwitika nu mulomo wache ukuti wa Mwene, apindukaye nukuzileka imbibi zyache.”

Titi 3:14

Abantu bitu bamanyilaye ukwiyula pakubomba imbombo inyiza, umwakuti bangabavwa babo bakusobelwa, sona nukuti batakabanje nubumi ubusita ivikomwa.

Titi 3:8

Amazyu agha masubiliwa. Nkulonda ukuti udidimizyepo pavintu vinivi, umwakuti abantu babo bakumusubila u Chala babanje bakwikolezannya pakubomba imbombo inyiza, zizyo nyiza, sona zikubavwa abantu bosi.

Aba Hebeli 13:16

Mutakaluvyanje pakubombela ubwiza nukugabana vivyo muli navyo, pakuti ivi vyo vyakwiyipa vyitu vivyo vikumuhobosya u Chala.

Aba Hebeli 13:21

U Chala abape amwe ivyiza vyosi ukuti mubombaye ubwighane bwache nukubomba mumwitu ukwendela mwa Yesu Kilisitu zizyo zikumuhobosya. Po u Kilisitu achindikiwanje bwila na bwila! Ameni!