Masalimo 37:21 - IBAYIBOLO 2024

²¹ Umuntu umubibi akwazima, sona atakunyosezya papo. Loli umuntu umugholosu akupa ukuyana ni chisa chache.

Masalimo 37:21 Iomraidhean Croise

Masalimo 112:5

Musayiwa yuyo akukopa ukusita ukukabilapo zimo, sona yuyo akubombela ivintu mubwanaloli.

Masalimo 112:9

Abagabila abapina ivyabupi mubwighane bwache, ubugholosu bwache ubwa bwila na bwila, akwiza pakuba wamaka nu muchindamu.

Ivyili 22:7

Abantu abakabi bakubalaghila abantu abapina, sona umuntu yuyo akukopa akubanga muzya uwa yuyo akumukopezya.

Yesaya 32:8

Loli umuntu umuchindamu akwinong'ona ivyiza vyene, akubatika ivyiza.

Luka 6:30

Nanti umuntu akukulaba ichintu chimo, umupe, sona nanti yumo akusenda ichintu chako, utakamubuzye ukuti anyosye.

Imbombo 11:29

Abamanyili bakivwana ukuti umuntu wesi abatumile abitiki abamwabo ubwavwilizi bosi bubo angaba nabo, babo bakikalagha muchigaba icha Yudeya.

Imbombo 20:35

Muvintu vyosi nabalanjizya ukuti pakubomba nkani imbombo bunubu, tubaghiye pakubavwa abadedebazu. Mukumbukaye amazyu ghagho u Mwene u Yesu akanena ukuti, ‘Ukupa kukumusaya umuntu nukuchila ukupokela bulo.’ ”

2 Aba Kolinti 8:9

Pakuti muchimenye ichisa icha Mwene witu u Yesu Kilisitu. Napapo akaba mukabi, loli akaba mupina pachifukwa icha mwemwe, umwakuti ukwendela mu bupina bwache, amwe mubanje bakabi.

Ukukumbusya Amalamulo 28:12

U Mwene u Chala winyu akwiza pakubapa ivula pakabalilo kache ukufuma kumwanya kuko akuyisunga, sona akwiza pakuzisaya imbombo zyinyu zyosi, umwakuti mukwiza pakuzikopezya inko izinji, loli amwe mutakwiza pakukopa nalumolumo.

Aba Hebeli 13:16

Mutakaluvyanje pakubombela ubwiza nukugabana vivyo muli navyo, pakuti ivi vyo vyakwiyipa vyitu vivyo vikumuhobosya u Chala.

Aba Hebeli 6:10

U Chala mugholosu, sona atakwiza pakuluvya imbombo zyinyu nu lughano lulo mwamulanjizya bo mukubavwa abantu bache, sona mwendelela pakubavwa.