Masalimo 37:17 - IBAYIBOLO 2024

¹⁷ Pakuti amaka agha bantu ababibi ghakwiza pakumala, loli u Mwene akubimila abantu abagholosu.

Masalimo 37:17 Iomraidhean Croise

Yobu 38:15

Ababibi bakwimiwa ubuzelu, po amaka agha kwikwezya kwabo ghakumala.

Masalimo 10:15

Ughamazyanje amaka agha muntu umubibi, sona nu mubomba mbibi. Umufundaye pachifukwa icha mbibi zyache, ukuti atakazibombaye sona.

Masalimo 145:14

U Mwene akubavwa abantu bosi babo bakuwa, sona akubakwezya bosi babo bakwipunula.

Masalimo 37:24

Napapo angipunula, atakwiza pakuwa pakuti u Mwene akumulema ni nyobe yache.

Masalimo 41:12

Wanvighililagha pachifukwa icha busubiliwa bwane, sona wambikagha pamaso papako bwila na bwila.

Masalimo 51:12

Unyosekezye sona ubuhobosu ubwa bupoki bwako, sona umpanje umoyo uwakwivwila.

Masalimo 63:8

Umoyo wane ghukukakatiye, sona inyobe yako indilo yikunsungilila.

Yesaya 41:10

Utakanyilaye, pakuti indi poka nawe, utakatetemaye pakuti ane ne Chala winyu. Nkwiza pakukupa amaka nukukwavwa, nkwiza pakukuvighilila ni nyobe yane indilo ingolosu.

Yesaya 42:1

U Mwene akuti, “Ennya umubombi wane yuyo nkumupa amaka, yuyo namusala sona nkuhoboka nawe, nkwiza pakubika u Muzimu wane papache, sona akwiza pakuzilongela inko zyosi mubwanaloli.

Yelemiya 48:25

Amaka agha Mowabu ghadumuliwa, inyobe yache iyamaka yapyoka. Ane ne Mwene nanena.”

Yuda 1:24

U Chala amenye pakubasunga ukuti mutakawe, sona akubafisya pamaso pabuchindamu bwache, bo muhobokite sona na basita chilema nachimochimo.

1 Samuweli 2:31

Naloli akabalilo kakwiza kako nkwiza pakuchefyako amaka ghako, sona na maka agha bamunyumba iya ghuso, umwakuti patakabepo nayumoyumo umuntu umughosi munyumba yako.