Masalimo 37:16 - IBAYIBOLO 2024

¹⁶ Utunandi tuto umugholosu ali nato, tukubuchila ubukabi bubo umuntu umubibi ali nabo.

Masalimo 37:16 Iomraidhean Croise

Ivyili 13:25

Umuntu umugholosu ali navyo ivyakukwana, loli umuntu umubibi akulindagha bulo nizala.

Ivyili 16:8

Chizapo pakuba navyo vinandi vivyo wavyaghila mubwanaloli ukuchila pakuba nu bukabi ubwakubwaghila mubuzimbuli.

Ivyili 3:33

U Mwene akuyighuna inyumba iya muntu umubibi, loli akuyisaya inyumba iya muntu umugholosu.

Ivyili 30:9

Pakuti nanti naba mukabi nkani, nkwiza pakwikuta nukwanda pakukukana, pamo nanti naba mupina nkwiza pakwiba ivya bantu po nkwiza pakulinyazya itabwa ilya Chala wane.

Umulumbilili 2:26

Umuntu yuyo u Chala ahobokite nawe, akumupa amahala nu bumanyi sona nu buhobosu. Loli umuntu uwa mbibi akumupa imbombo iyakubungannya ubukabi nukumusungila umuntu yuyo u Chala ahobokite nawe. Vyope vinivi vite ni mbombo nayimoyimo, ko kuyimba bulo.

Umulumbilili 4:6

Chizapo pakuba ni vintu vivyo vizule muchikufi choka nukuba mumutende ukuchila ukwizula muvikufi vyosi vibili vinivi vite ni mbombo.

Matayi 6:11

Utupe ilelo ichakulya icha isiku ni siku.

1 Timoti 6:6

Ukwiputa kwa Chala, naloliloli kukumupela umuntu pakuba mukabi, nanti akwikuta na vivyo ali navyo.