Masalimo 37:15 - IBAYIBOLO 2024

¹⁵ Loli abapanga babo bakwiza pakughalasa amoyo aghabo na ghabo, sona ubwele bwabo bukwiza pakupyoka.

Masalimo 37:15 Iomraidhean Croise

2 Samuweli 17:23

Bo u Ahitofeli ennya ukuti abantu bakitinkana ni fundo yiyo akababuzya, akakwela impunda yache nukubwela. Akakayannya akiza bulo akaya kache nukwipinyilila. Po akafwa nukusyiliwa mwipumpa ilya wise.

Esitele 9:16

Pakabalilo kalakala aba Yuda babo bakasyala muvigaba vivyo u mwene akalamulagha, bope bakabungana poka ukuti bipoke bene kubalwani babo. Po bakabaghogha abantu 75,000 loli batakafyula ichintu nachimochimo.

Esitele 9:22

pachifukwa ichakuti kakaba kabalilo kanaka kako aba Yuda bakapona munyobe izya balwani babo sona pakuba mwezi ghugho ichitima chabo chikanduka pakuba ukusekela sona ukulila kwabo kukanduka pakuba ukuhoboka. Akabasimbila ukuti bakumbukaye amasiku ghanagha pakuba masiku agha lusekelo sona nukugabana ivyakulya nukubapa abapina ivyabupi.

Masalimo 34:22

U Mwene akubapoka ababombi bache, sona atalipo nayumoyumo umuntu yuyo akuchimbilila kukwache akwiza pakufundiwa.

Masalimo 35:8

Ukunanganika kubawilaye umwakuchenusya bulo. Po ichipingo chicho bateghite chibalemaye bene, sona nukuwila mukunanganika kwabo.

Masalimo 46:10

“Banga bulo myee, sona uzimanye ukuti ne Chala, sona abantu aba inko izinji bakwiza pakumpala, bope abantu aba muchisu ichapasi bakwiza pakunkwezya.”

Masalimo 46:9

Akumazya ubwite mupaka kubumalilo ubwa chisu ichapasi, sona akubupolannya ubwele ni mpalala, nukuzyocha ingulu.

Yesaya 37:38

Isiku limo, bo akwiputa munyumba iya chala wache u Nisiloki, abana bache abalumendo u Adilameleki nu Shalazeli bakamughogha nupanga, po bakachimbilila kuchisu icha Alalati. Umwana wache u Esalihadoni akamupyana pakuba we mwene.

Yelemiya 51:56

Abakumunangannya u Babiloni bafika, abasilikali bache balemiwa sona ubwele bwabo bwapyoliwa. Pakuti ane ne Chala yuyo akutanizya imbibi pa mbibi, naloliloli nkwiza pakubatanizya imbibi pa mbibi,

Hoseya 1:5

Mwisiku lilalila nkwiza pakubupyolannya ubwele ubwa ba Izilayeli Mwikombe ilya Yezileli.”

Hoseya 2:18

Mumasiku ghalaghala nkwiza pakufinga ulufingo ni vinyamana ivyamunkolongo, ni viyuni, sona ni vinyamana vivyo vikwavula. Nkwiza pakumazya ubwele, na bapanga, sona nu bwite, umwakuti bikalaye umwakufwasa.

Mika 5:6

Bakwiza pakuchimala ichisu icha Asiliya nupanga, sona ni chisu icha Nimulodi. Akwiza pakutupoka munyobe izya Asiliya, bo bakwiza muchisu chitu nukwenda mumpaka zyitu.

1 Samuweli 2:4

“Ubwele ubwa basilikali abamaka bwapyoka loli abantu babo bakipunula,” ilelo bali na maka nkani.

1 Samuweli 31:4

U Sabuli akamubuzya umulumendo uwakumunyamulila ivilwilo akati, “Weya wee, wesa upanga wako, undase, lumo abantu abasita kusilimuliwa banganseka nukungogha.” Umulumendo yula akanyila nkani, umwakuti akakana pakumulasa. Loli u Sabuli akasenda impalala yache nukwisumbapo.