Masalimo 37:14 - IBAYIBOLO 2024

¹⁴ Abantu ababibi bakuwesa abapanga nubwele bwabo ukuti babaghoghaye abapina na bapotwe, sona na bosi babo bagholosu.

Masalimo 37:14 Iomraidhean Croise

Esitele 5:14

Umuchi u Zeleshi poka na bamanyani bache bosi bakamubuzya bakati, “Upange ichikwi icha mamita 23 mumwanya. Pandabindabi umulabe u mwene ukuti u Molodikayi apayikiwanjepo. Po ubukaye poka nu mwene kulusekelo umwakuhoboka.” Ifundo yiniyi yikamuhobosya nkani u Hamani, umwakuti akapangisya ichikwi chila.

Masalimo 11:2

Ennya abantu ababibi bakuwesa ubwele bwabo, babikite utulasilo palupote ulwa bwele bwabo umwakuti babalase babo bali na moyo amagholosu ukufumila kuchisi.

Masalimo 35:10

Nu moyo wane ghosi nkwiza pakunena ukuti, “Wee Mwene, nkimba wewenu ayanite nawe? Ukubapoka abapina munyobe izya bantu abamaka ukubachila, sona ukubapoka abapina na bapotwe munyobe izya bantu babo bakubafyula ivintu vyabo.”

Ivyili 29:10

Umughoghi amubengite umuntu yuyo ate ninongwa, loli abantu abagholosu bakubupoka ubumi bwache.

Ivyili 29:27

Abagholosu bababengite nkani abantu ababibi, umwakuyana bulo bope abantu ababibi bababengite nkani abagholosu.

Habakuku 1:13

Amaso ghako mazelu nkani pakubwennya ububibi, sona utakwitikizya ukunanga. Nkimba choni chicho ukubitikizya abantu abakusambuka ukuti babombaye bulo ububibi? Nkimba choni chicho ukuba bulo myee, bo abantu ababibi bakubamila abagholosu ukubachila abene?

Imbombo 12:11

Po u Pitala akazyaghannya zizyo zikabombiwa kukwache nukuti, “Ilelo nazimanya ukuti zyanaloli! U Mwene akatuma uwantumi wache ukuti ize ampoke kwa Helodi na vyosi vivyo aba Yuda bakinong'onagha ukuti vikwiza pakubombiwa kukwane.”

Imbombo 12:23

Panapo na panapo uwantumi uwa Mwene akamukoma u Helodi pakuti atakamuchindika u Chala. Isomi zikamulya nukufwa.

Imbombo 7:52

Nkimba kukabako umulaghuzi yumo yuyo abanyenya binyu batakamuvwimapo? Bakaghogha abantumi aba Chala, babo kale bakafumusya izya kwiza ukwa Mubombi wache Umugholosu. Po losi ulu mwamubika munyobe izya balwani nukumughogha.

1 Yohani 3:12

Tutakabe ngati we Kayini yuyo mwana uwa Mubibi, sona yuyo akamughogha umuzuna wache. Nkimba choni chicho akamughogha? Pachifukwa ichakuti ivintu vivyo akabombagha vikaba vibibi, loli ivintu vivyo umuzuna wache akabombagha vikaba vigholosu.

1 Samuweli 24:11

Tata wane, ennya akamwenda aka nkazo yako munyobe yane. Ngali nakughoghite loli nkadumula bulo akamwenda aka. Po uzimanye ukuti ane inte ni nyinong'ono nazimo izya kukusambukila pamo ukughogha. Ane intakunangiyepo nachimochimo, loli ukumbingambinga ukuti ungoghe.

1 Samuweli 24:17

Po akamubuzya u Devedi akati, “Awe wame muntu umugholosu, loli ane name muntu mubibi. Naloli utanangiyepo nachimochimo, loli ane ne nakunangila nkani.